Ette tulli Karl Ermel ja kaibas oma poia Johann Ermel pääle kelle temä oma kraam oli andnu, ja nüüd ei laskwad poig enämb hendä man eläda lasknu ütskõrd jo ärä pillu. Ja nõwab

8 m. hernid, 4 m. ubbe, 12 m. keswi, 2 wak suurmit, 5 w. kaaro 5 w. kara jahhu 4 m. linnaseemend 1 w. keswa jahhu, kats hobest ja neide riista hobene masnu kumbgi 30 rubla. ( 1 wankri kõik riista kokko masnu 25 rubla. 10 puuta soola 16 naela tea raswa. 10 toopi liharaswa 1 1/2 pangi lihha, 2 lehma 3 lamast. Ja nõwab nimitetu kraami kätte ja töö inemistele täütsat üles pidamist ja palka kewateni. Tunistaia Jaan Haak ja Michel Leis.

Saije Johann Ermel ette kutsutus ja see kaibus ette pantus kes wastutab, et temäl om kõik kraam jo esäle ärä antus, mes kewaja saije ja pääle tuud mes perrä jäije pooles wõetu.

And tunistaia kubijes Jaan Puudas, Jaan Wisnapu ja Jaan Raamat.

Jääb poolele kuni tunistaia saawa.