Tõiselt tulli ette Heinrich Tillmann Karraskist ja kaibas et Warbus walla Sõrra külla perremeste Zea omma temma hainamaa, ni ärra zongnowa et mitte andis jätta ei wõiwat, sest kahjo ollewa liig suur, nõudis omma hainamaa zongimisse ja ärra tassomisse eest wiistõistkümme rubla kahjotassomist, andis tunnistajas Karrasky Pääkohtomees Jaan Tullos. Keä nido kahjo jo jälle om ülle kaeno, nink Johann Kärner kes Sõrra külla Zeat sääl H.Tillmann nido pääl om nänno

Saiwa ette kutsotus Warbusse Sõrra külla perremehhe kui nimmelt Johann Plan Adam Plaan David Piito Ado Petser Johann Sõrrason ja Jaan Mahlstein kes mitte es olle tulno, sai üllewanne Heinrich Tillmann kaibus ja nõudminne ette loetus, kos kiik ne wiis üllewan nimmitedo perremeest ütliwa, et meie Zea sääl nido pääl ei ollewa konnaki olno, ja päälegi om oja een, et zea läbbi es wõi pästa, egga ei olle meie Ziggo ka mitte keäki kinni ajano sääl wõip paljogi muid Zigasit tood nito zongman käino ollewat sedda ei tia meie, ent et meie Zea sedda kahjo ommawa tenno se ei olle mitte õige meie lassime kohtomeistel ka henda poolt noid jälgi ülle kaeda. Sai kohto poolt Pääkohtomees Jaan Tullus käest küssitus keä niedo kahjo jo jälle ülle om kaeno, kes selle pääle ütles, kahjo om täwweste tetto ja hainamaa ni ärra zongito et wikkatit pääle wija ei wõi, olgo sis et saap ärra tassotus, ja jälle tunnistawa et Warbus Sõrra külla Zea tood kahjo ommawa tenno ja ütles weel nido ülle kaemisse aigo lubbasiwa Sõrra külla perremeistest Johann Plaan ja Ado Petzer hää kombega /6/ kuus rubla kahjo tassomist nink hainamaad ka laske ärra tassoda.

Sai weel ette kutsotus tunnistaja Johann Kärner kes ütles temma tulno kord Kiomast Aarna weski päält jalgsi, nink nänno sis et kuus Sõrra külla Zikka sääl H. Tillmann hainamaa pääl olno,kui nim(m)elt kolm walget keskmätse suure kats kirriwat ja üts werrew ka pea ni sam(m)a suuret kui minna sis äkkitselt tännitasin, sis heitiwa Zea ärra, ja panniwa kiik jooskma, ja lätsiwa wahhe Sõrra ussaida kiik sisse, sedda näggin minna ja woin ka tõttega tunnistada.

Otsus   Kohhos mõistis tunnistusse perrä, et kahjo om tetto Sõrra külla Ziggadest, ja nüüd kiik ärra salgawa, nink sel kohtol ka mitte teeda ei olle kelle ehk missoketse perremehhe Ziat tood kahjo omawa tenno selle et eggamees ennast oiges tahhap tetta sis masswa egga Sõrra külla perremees 1 rubla 50 kop H. Tillmannile kahjotassomist mes 8 päiwa aja seen peäp ärra teüdet ollema, nink et Johann Plaan ja Ado Petser hää kombega 6 rubla ommawa pakno, ja nüüd ärra salgawa saap kohhos arwo et nemma kiik üttel nõul ja ka ütte süüdlasse omawa Jaan Mahlstein jäije tõise kohto päiwa pääle mõista. 

Sai kohto Otsus ja § 772-773 ette loetus, ent es ollewa rahho pallesiwa kiik Protokolli mes kohhos es lubba anda. 

                                                Päämees Jaan Tullus  XXX

                                                Kohtomees Jakop Uibo  XXX

                                                 teine   do  Jaan Leppäson  XXX