Kolmandalt  Tulli ette Johann Kuhhi ja kaibas omma wäimehhe Michel Wõsso pääle, et om üts koomits ärra lahkno, mes küll Michel Wõsso emma perrandus om olnu agga meil olli nida wiesi leppito kui Jaan Mark minno maja ärra ostis, et kiik hoone mes wähhagi ommawa jääwa maija ilma et säält üttegi wõip ärra wija ja todda kuulis ka Michel Wõsso, ja es lauso too kõrd sõnnagi, kos Jaan Mark nüüd koomitse eest kuus rubla mahha wõttis, ja tõiselt ütles et om aija parrandamatta jätno, nink tolle eest wõttis Jaan Mark kats rubla rahhast mahha, nüüd palle minna et kohhos tolle minno nõudmisse pääle üts Otsus tees, et minna se rahha kätte wois saada. 

Sai ette kutsotus Michel Wõsso nink üllewanne Johann Kahhi kaibus temmale sai ette loetus, kes selle pääle ütles egga mull ka middägi es prugi üttelda kui Johann Kuhhi omma Otsa maija ärra müüs sest tolle pääle ollin minna wäega julge et Johann Kuhhi üttegi kodapolitse hoonet ei tohhi ärra müwwa kui Jaan Mark ka weel tõise wõrra rohkemp olles mahha tem(m)a rahha summast wõtno, se ei putto mulle middägi, tõiselt aija olliwa kiik laggono kui minna Otsa maija lätsin nüüd agga olliwa küll paljo parremba kõrra pääle. 

Otsus  Kohhos mõistis Johann Kuhhi kaibust tühjas, selle perräst et Johann Kuhhi üttegi koddapolitse hoonet omma tallo hoonete assemel ei wõi ärra müwwa, tõiselt et aijade parrandamisse ülle üttege tunnistust es woi ülles anda sai ka tühjas mõistetus

Sai Kohto mõistminne ja § 772-773 kohton käiadelle ette loetus ja lätsiwa rahhon wälja. 

                                                  Pääkohtomees J. Tullos  XXX

                                                      Kohtomees  J. Uibo  XXX

                                                  teine     do      J. Leppason  XXX