Neljandalt   Tulli ette Krotusse moisa rentnik Jaan Rebbane, ja kaibas et Jaan Wähk om üts rubla temmä käest käerahha wõtno, nink ütte kuu aja pääle kaup ärra tenno palgas ollo leppito wiis rubla, nink ollewat ennegi 4 päiwa ärra tenno, ja sis ilm sõnna lausomatta ärra länno nink omma leppito kuu aja pääle teenistus poolele jätno, pallel nüüd kohhot et teddä sunnis teenma taggasi tulla, ehk kui ei tahha sis masko kuu tenistus wiis rubla mulle ni kui säädos om, nink sis woip ka minnost wallale olla. 

Sai ette kutsotus Jaan Wähk nink üllewänne kaibus ja nõudminne ette loetus, kes selle pääle ütles minna es tija et mo terwus mitte ei kanna teenida, sest minno silma näggeminne om wäega waene, kui sedda olles teedno, egga sis kaupa tenno ei olles es moista middägi üttelda. 

Otsus  Kohhos mõistis, et Jaan Wähk peap jalla päält Krotusse mõisahe teenma minnema, nida kui kaup om tenno, ja kui mitte minnä ei tahha sis massko säädusse perrälinne kuu aja leppito hind taggasi

Sai kohto mõistminne ja § 772-773 kohton käiadelle ette loetus, ja lätsiwa mõllemba ilm sõnna lausomatta wälja

                                                 Pääkohtomees J. Tullos  XXX

                                                    Kohtomees  J. Uibo  XXX

                                                    teine  do     J. Leppäson  XXX