N 27 Koggokonna kohto ette om astno Liso Püwwi omma wöölmündri Michel Runthaliga ja nõud latsekaswatamist Peter Lappi käest sadda Rubla sest temma om se (tüttar) latse essa.

Peter Lapp om sepäle kostno: temma om kül selle tütrigo Liso Püwwe man mano. wimate om weel Peter Lapp kostno tema om essi nänno kui Liso Püwwi magasiga Michel Jasuniga Paddoseppa Michkli lao pääl edimänne kõrd olli minnewa kewwade 9 April toine kõrd olno Junil kolmas kõrd olli Augusti kuul. 

Michel Jaosoon om kostno temma om minnewa suwwe paar korda Liso Püwwega maggano ja wimne kõrd olli sano Octobri kuul w. J. ja sääl om ka weel Peter Roth olno temma man nink om essi ölno et temma om kül sano 

Peter Ruth om kostno temma om ka se tütriko man mano ent ei olle putno.

Michel Jaosoon Peter Kilter Johan Pahl omma tunnistanno, et Peter Ruth om neid wasta tunnistanno temma om ka Liso man Novembri kuul mano. wimate om Peter Ruuth ärrä tunnistanno et temma om ka Liso käest sano wimane kõrd talwel tarren.

Ado Lätt om kostno temma om ka paar öid Liso Püwwe man mano

Et Andri Ostra siin ei olle olno jääp se assi toise neljapäiwa päle.