Säitsmes Kohhos sel sammal päiwal

Tulli ette woorimees Johann Põdder (Tarto lienast) ja kaibas jälle Johann Tullus pääle, et pallel omma Kohto Otsust sest 27dast aprilist Johann Tullus wasta ärra teüta, nink ütles minna nink Karrasky Koggokonna kohtomees Jaan Leppäson lätsime warsti perran Kohto Otsusse kuulotamist tõisel päiwal sel 28dal aprilil s.a. Wabina walda Jakopi tallo kos se Obbene praega om kedda minna Johann Tullus käest ostsin sija ette näutamisselle tooma, ja et minnol hendal mitte rahha ei ka Obbost es olle sest minna ollin jalksi sis tulli kohtomees Jaan Leppason omma Obbosega minno Wabina wiema, nink tõiselt ka üttes käemehhes ütten, sest egga mulle keaki tood Obbost säält ütten es olles andno, ent et kohtomees minnoga ütten sis lotsin asjaga õiges saada, kui sis Wabina saime lätsime tolle walla Pääkohtomehhe Lubba pallema kell assi joba tutwa ja kiik teeda olli nink ütles Karrasky Koggokonna Pääkohtomees Jaan Tullos käwwe todda Obbost joba essi kaeman, mes perräst temma sis weel tahhap nätta saada kui joba kord nänno om, nink käsk sinnä tallo minna kon se Obbone om ilma et üttege kohtomees sääl tarbis om, sis lätsime ka nink löüsime se Johann Tullos käest mulle müüdot Obbost, kos perremees ka mitte es olles kelono todda obbost Karraskihe weemäst siski mitte ilma enge ütte tingito hinna eest, ja et Jaan Tullus essi obbose om ülle kaeno Wabina Koggokonna Pääkohtomehhe ja Jakopi tallo perremehhe tunnistus-se perrä sis jätsin se obbone toomata, nink kui J Tullus peäs sowima wõip essi omma kullo pääl sija tuwwa laske ja pallel et asjalle ütskord joba ots peas tettama mes teie minno ni wäega waiwate, andis tunnistajas kohtomees Jaan Leppäsoni, kes om kige mann olno et mo kõnne mitte wõls ei olle.

Sai ette kutsotus Jaan Tullus nink üllewanne kaibus ja nõudminne ette loetus kes selle pääle ütles, Johann Põdder om wiis ajastanne Obbone ostno, nink Wabinan se om joba säitsmet aastat wanna, minna tahha todda obbost weel sija nätta saada. 

Sai kohto poolt kohtomees Jaan Leppäsoni käest küssitus kes obbost sääl kaeman om käino Wabina wallan Jakop tallon, kes nida ütles, et Johann Põdder tõttet om kõnnelnot, ja minna tunnistan sedda ka, et se obbone toosamma om mes Johann Tullus Johann Põdderil om müüno, sest minna essi olli ka Obbose ostja nink Johann Tullus üttel mulle osta meie märra ärra tolle läbbi kaesin minna kiik temmä märgit täwweste läbbi, ent et minna sedda osta es tahha jättin ni samma, nink om sis woorimees Johann Põdder tedda hendäle ärra ostno mes praego Wabinan om .

Kohhos es wõtta Johann Põdder kaibusse pääle üttege Otsust tetta, enge jääp se wanna Otsus sest 27. aprilist s.a. No 24 põhjusse pääle. 

                       Karraskij Kohtomajan sel 11 mail 1879.

                                                      Pääkohtomehhe assemel kohtomees J. Uibo  XXX

                                                                                                    Kohtomees J. Leppason  XXX

                                                                                                abbi     do       J. Raig  XXX