Ette tulli Kusta Ermel ja kaibas oma welle Johann Ermel pääle kes temäle ta palka 36 rubla ärä massetus saada; kaublemise man ei ole ka käe raha saanu.

Johann Ermel ütlep selle kaibus pääle, et temä ei olewad Kustat hendäle palga teenima kaubelnu kui oles tu wõimalik et mina oles kaubelnu tedä oma teenistuste, sis oles neide wiidetu päiwi eest paljo tagasi massa tulnu, mina ei ole teda kaubelnu, siski ole mina ligi 20 rubla jo temäle ka raha masnu, temä hulkse kos temä tahtse ja ei ole ka nüüdki mino teeniman. Ei olewad kaubelnu ei ka käe-raha andnu.

Otsus:

Kogokonna kohus mõistab, et kaubeldu ei ka leppitu ei ole, niisama ka teenitu, sis ei ole ka Kusta Ermelil midagi Johan Ermel käest palgas nõuda. Jääb ta kaibus tühjas.

Ent kroppo oleki eest kogokonna kohtu man, peäb Kusta Ermel 24 tunni türmin istma.

Otsus kuuluteti § 773 ja 774 perrä T.

Kusta Ermel es ole rahul saije selsamal päiwal opus täht.

18 April Copia.