Ette tulli Sawa tallo selle aigne perija oma Wöörmünder Jaan Waino ja Jakob Lepäsoniga.

Katre Paide ütlep et temä om hendäle Jaan Porrila töö peremehes ja maja pidajas wõtnu.

Jaan Porrila wõttab sedä maja pidamist hendä pääle kõige maja päält nõwetu massudega, ja lubab ka Katret pidada ni kawa kui temä eläb, enegi sellega kui maija õigus ja perimine perän Katre surma puhtalt ilma muide perimise õigoseta temäle jääb.

Wöörmündri Jaan Waino ja Jakob Leppäson ütlewa ja lubawa kül Jaan Porrila Katre Paidele töö peremees ja maia pidajas, et perän Katre surma perimise õigus iks Katre sugulasile jääb ja niida et ka minkisugust tasomist oma oleki ei ka ehitus eest nõuda ei ole. Ja nõwawa 400 rubla sisse peljaten, et maja ei sa peetus ei ka Katrele ülespidamine antus; Kui Katre tarwitab saab säält rahast antus. Ja perän Katre surma saab Porrila oma raha tagasi.

Jaan Porrila ei luba wõtta ka selle pääle sedä hoolt ei ka waiwa hendä pääle ja jätwa niisama.

Otsus:

Jääb see asi niisama, kui ei sünni.

Otsus kuulutetu.

Pääkohtumees Jaan Luik

Kohtumees Peter Tallomees

  "Joh Punnak

  " Joh. Porrila