11. Se krono mõtsa waht Johan Paidra, kes nüüd ammetist ärra sai heidetu olli kihhelkonna kohto man kaibaten  ettetonu, et temma kik neid mõtsa wahhi kottusse honit, kost temma nüüd ärra sai wissatus, omma jõwwo ja ka mitme omma nõwwoga ni kui lawatse, usse, raudhinge ja m.n.- ilma walla abbita om ehhitanu, sest et tol korral, kui temma sinna kottusse ja ammeti päle sai iks üttegi kõrra-perrast honet sääl ei ollew olnu -  ka ollew temma üts kaiw sinna walmistanu - temma palles kohhust, et wald nüüd temmal sedda waiwa ja kullu tassus. Kihhelkonna kohhus olli sis walla kohtomehhil käsknu, neid honit üllekaija ja tassumisse hinda arwata, kui se õige olnes, et Johan Paidra ned omma jõwwoga om ehhitanu ja wald ehk külla temmal ei olle  abbi andnu. 

Koggokonna kohhus om neid honit üllekaenu ja kik hä wundamenti pääl ja hä kattusse all kõrraperrast ülles ehhitetu leidnu ollewat ni samma ka se kaiw. Et Johan Paidra kik omma jõwwoga ehhitanu, om ka õige ja sis sai arwatus, et 30 rubl õb, mes Joh. Paidra nõwwap, paljo ei olle ja temmal peap wälja massetus sama, sest et ne hone:

parraja sure, kellest ka mõõt om ülles wõetu - ja läbbi ja läbbi kattessa aastat wanna omma.

päkohtomees Peter Seba XXX

kohtomees Jürri Jõggewa XXX

   "                 Mart Porrila XXX

wöörmünder Johan Leppason XXX

     "                 Peter Nikopensius XXX