19. Preester M. Nikolski tulli ette ja kaibas, temmal ollew see 10. ja 11nel Oktobri ku P: wahhe ösel  arwata üts wakka ossa nisso püdli jahho aida päält ärra warrastetu, niwisi, et warras läbbi kattusse akne sisse om lännu ja säält se jahhu wälja tonu. Kats näddalat pääle selle ollew temma kuulda sanu et se soldat Jaan Kusnez, kes sen lähhükessen Jukko kõrtsin ellap, püdlijahhu ütte kottiga kõrtsi lae pääle haino sisse ollew pandnu, ja kui temma sinna kohtomehhega otsma om lännu, om temma neid jahhu ka haino sissest leidnu ja omma tundnu ollewat. Neid jahhu ollew säält kige eddimält üts tüdruk, Marri Köbi selle läbbi leidnu, et temma sääl ütte tükki linnast reiwast, mes temmal olli warrastetu, otsnu, ja sedda ossast säält kohast kõrtsist tarrest, kos se soldat Jaan Kusnez, kes sedda reiwast warrastenu, hendale sest jobba üts maggamissekott olli ummelnu - olli leidnu - ja sis pääle selle, sedda kottust, kos ne jahhu olnu, ka Preestrele näitanu, kes ni wisi omma kätte sanu. Ka ollewat, mes ka kohtomees Johan Leppason tunistap, päle se wargusse jahhujälgi tulla olnu, mes jo sisse eddimalt jo säält kõrtsi pole om nakkanu minnema, kos Preestre ka treppi pääl om jahhu jälgi leidnu.

Jaan Kusnez, kes ette olli tulnu; sallas sedda jahho warrastanu ollewat, temma ollew sedda säält lähhidalt mõisa nurme päält leidnu ja sis kõrtsi pääle haino sisse pandnu. Se tüdruk Marri Köbi es olle ette tulnu.

Moistetu; hommen ka se tüdruk ette kutsu ja sel asjal selletust tetta.