22. Moisa wallitsus tõi sedda poissi Jaak Lillet ette, kes puweddamisse man ennam puid ülles andnu olli kui tal wetu olli. Nimmelt ütte hallolitsi puid kattehallolissis lasknu ülleskirjoteta. Ja se man ka weel kui tedda moisa wallitsus trahwi tahtis surelinne olnu ja hennast ei olle lasknu muido kui koggo-konna kohto man.

Se pois Jaak Lille, kes ette kutsuti, es woi sedda südi sallata ja moisteti temmale selle eest 20 löki witsuga. Kui nüüd temmale se trahw tahheti ärra anda ja selle tarbis pkaohtomees ja moisawallitseja trahwmisse paika lätsiwa, es saisa mitte ütsinda Jaak Lille se wasto, enge ka temma welli, se soldan Johan Lille, kes jo tämba ütskõrd olli mässanu, wõttis üts suur aidpu ja saisis sellega omma welle Jago ette, üttelden, kes mannu tullep, se saap; päle selle ähwardas temma ka weel, kige suggutsit kroppe sõnnu anden moisa wallitsejat. Moisa wallitsus pallus sis sedda asja protokolli wõtta, selle pääle, et temma sen asjan Johan Lillet keiserlikko ma kohhtu kätte sata tahhap.

Päkohtomees Peter Seba XXX

Wallawöörmünder Peter Nikopensius XXX

        "      Johan Leppason XXX