Ette tulli Jaan Paidra ja kaibas, et temma essa Peter ja weel ennam ämmak temmal majan rumi ei andwat, ni et, ei tea kelle perralt se maja ja kes perremees peap ollema. Sel ammakul ollew weel pälegi se nõuu, Jani hopis wälja ajada, et kül se maja Jani emma perrandus ja temma jo üts kõrd perremehhes om nimmitetu.

Kui se kik laitmata innimiste tunnistusse läbbi tõttes tetti ja essa Peter jo wanna ja lija wina jomissele om maad andnu, ni, et peljata om, et se maja seddawisi wast hukka lääp, kui tal ütte kõrraperrälist perremeest ei olle; sis sai koggokonna kohto ja moisawallitsuse polest se nõwu petus, se maja hopis Jani kätte anda ja om sis Jaani kohhus, se maja eest kõrra perrast hoolt kanda, ja omma essa ni kaua, kui to ellap, temma naise ja lastega, ni kaua, kui ne täisealisses sawa henda man piddada, ni et temma neile kik annap, mes tarwis ja üts rahholik ello ellap.

Se sai sis Peter ja temma pojal Jan Paidral ette loetus ja lubbas Jaan sedda kik taielikkult täita, ehk se maja sagu jälle temma käest ärra wõetus.

Päkohtomees Peter Seba XXX

Kohtomees Jürri Jõggewa XXX

wöörmünder Johan Leppason

   " Peter Nikopensius