Kuwendalt.  Tulli ette Leesmitti tallost Johann Naris ja kaibas, et omma tallo perris ommanik Miina Seeme Karri, nink rentnike Karel Kepp ja Jaan Tullus karri, ollewa temma kaara põllo ärra söönowa, mes karjosside hooletusse läbbi om ette tulno, nink om nüüd ütte wakka ka kül obis pool paljas ärra söödeto, mes ka kohtomees Jaan Leppäson om ülle käeno, noudis omma kaara ärra söötmisse eest /2/ kats wakka kaaro kahjotassomisses. 

Sai ette kutsutus Miina Seeme eest temma poig Jaan Seeme (wöörmunder Tannil Kärner) neide rentnik Karel Kepp ja tõine rentnik Jaan Tullus, nink üllewanne kaibus ja nõudminne ette loetus, kes selle pääle ütliwa se om küll õige et kahjo tetto om, ent selle mann ei olle mitte meie süüdlasse, todda kahjo omma karjosse tetta laskno, päälegi om J. Naris lehm ka essi abin sööman olno, mes meie sis tolle mann wõime tetta kaar om weel noor ja parranep ärra. 

Otsus.  Kohtomees Jaan Leppäsoni üllekaemisse perrä ollewa küll kahjo ellagist tetto, nink ärra söödeto, enge mitte ni paljo et 2 wakka kaaro se ärra söödo olles wälja andno, kohhos mõistis sis kohtomees Jaan Leppäsoni tunnistusse perra, et egga üts massap süggise Johann Narissel /1/ üts mõõt kaera kahjotassomist wälja kui nimmelt, Miina Seeme 1 mõõt Karel Kepp 1 mõõt nink Jaan Tullus 1 moot, et Johann Naris omma lehm ka om süwwa awitanno, ei putto se temale middägi, sest et Jaan Tullus temma lehma omma hoidmisse alla om wõtno, sis peäp ka selle eest wastotamma kui kahjo tetta lassep, nink sai ka kohto poolt Jaan Tullusel ütteldus et peäp Johann Naris lehm iks nida samma eddesi hoitma laskma kui seni ajani. 

Sai kohto mõistminne nink § 772-773 kohton kaiadelle ette loetus nink lätsiwa rahhon wälja. 

                                                 Pääkohtomees Jaan Tullus  XXX

                                                Kohtomees   Jakop Uibo  XXX

                                                     teine  do   Jaan Leppason  XXX