Karrasky Koggokonna Kohhus sel 6.al julil 1879.

Tulli ette Walge Moisa rentnik Johan Raig, ja kaibas et Jaan´i poig, Jaan Uibo, saap ikkes wistist minno Adra warras ollema, eesmalt selle perrast, selsammal päiwal, kui minno Ader öse ärra warrastedi, olli temma paljo aiga meije pool, nink kõndis kik kottusse läbbi, paalegi teenija inneminne woip arripäiwal ilma perremehhe lubbata kottust hulkuma minna, teiselt saapa jalje mõdu sünniwa temma Saapastega täwweste utte, mes kohtomees, Jakob Uibo, ja Jaan Leppason omma ülle mõõtnuwa et just üts om, kolmandalt ütles temma (Jaan Uibo) essi Ihhamarro kõrtsi mann, minnol, Mikko Essa minna tija küll kos sinno Adra rawwa omma, 4.dalt om temma Jaan Kebja´l nisamma üttelnu, 5,dalt ei olle temma sel öösel mitte kottun olnu. Nüüd palle kohhut tedda ka läbbi kullelda, mes temma kohto een saap ütlema. 

Kutsuti ette, Jaan Uibo, sai kaibus ja nõudminne ette loetus, kes enneki eddimatse kaibus punkti pääle ütles, minnol olli Mikko poisse mannu asja selle käwwe minna sääl, muidu salgas kik ärra, ja ütles weel, et temma ei ollewa Adra warrstanu, ei teedwat ka middagi kos too Ader om. 

Sai kohtomees Jakob Uibo, ja Jaan Leppason käest küssitus jälgi, ja Saapa mõõtmisse perrast, kes ütliwa jalje ja Saapa mõõt käip üttem et temma just saap ollema se Adra warras.

Kutsuti ette Jaan Kebja, ja sai kohto poolt küssitus mes temma sest asjast tijab üttelda, kes ka eddimalt ütles minna ei tija middagi, ent wiimate ütles, et Jaan Uibo üttelno temmal hää juttu pääl nida, minna ütli Mikko Johan´ile, et minna tija kül kos sinno Adder om, ja ütles weel sest, et nemma ütte perremehhe Sullase omma, Jaan Uibo es olle ka toll öösel mitte minno mann õitsin Hobbeste mann. 

Sai weel Jaan Uibo käest küssitus, kes ennamb paljo middagi es moista kosta, sest, et wõltsile olli järgi saanu. 

Otsus   Kohhus moistis tunnistusse perra, et awwalikkult ka kiikipiddi nätta olli, ent kõwwa salgama, ja siski süüdlanne om, massap Jaan Uibo, Johan Raig´il Adra est kolm rubla, ja selle est, et julgus kohto Peegli een wõltsi, mes tunnistusse läbbi tõttes om tettu, saap 15. kibbedat witsa lööki oppuses, et ei tohhi ümber hulki, ni kui ka mitte wõltsima.

Sai kohtomoistminne ja §§ 772, 773, ja 774, kohtonkäiatelle ette loetus, ent Jaan Uibo es olle sellega rahhul et arwas hendal liiga tettu ollewat nink pallel Protokolli, mes kohhus mitte es lubba anda. 

                               Karraskiy sel 6.al julil 1879.

                                                                              Eenistja, Jaan Tullus.  XXX

                                                                              Manistja, Jakob Uibo.  XXX

                                                                              Manistja, Jaan Leppason.  XXX