Karrasky Koggokonna Kohhus sel 3al augustil 1879.

Tulli ette Karrasky Wija Hindriko Tallo perris ommanik Jaan Praggi, (Praggi wallast) ja kaibas omma enditse rentniko Jaan Mark pääle, et ei olle omma rendi maija mitte sel Kewwajal 1879. Kontrakti perra, käest ärra andnu.  pudusse omma ni kui perran naitap. 

1. Hainama, muist Zongitu, nink muist Ellajattest ärra sokkotu, nõwwa	15 Rbl   - kop
2. Mõtsaallune ärra Zongitu, ja puujuure ka ärra järretu	30  "      -
3. Ristik haina Sööt katte wakkamaa kündmatta, ja kiik aestamata	4   "      -
4. 8 wakkamaa Ristikhaina, kik zongitu, ja ei olle sukkuki ülle tulnu	40  "      -
5. Pikk tõwwo nurm, üts kündmatta, ja kiik aestamatta	3   "      -
6. Aija koggoni laggonu, ja roodli ärra kaddonu	15   "     -
7. Tarre kattus koggoni ärra lagonu, ei olle sukkuki parrandet	10   "      -
8. Küüni ja hobbeste Talli kattus , nisammati laggonu	5   "      -
9. kats Akna Kruuti puudus	-           40  "
10.Rehhe Ahhi, sai wastne tettus, koggoni laggonu	10   "      -
11. Õlgi ei olle Lauta, ei ka Tahra pääle sukkuki laotedu	25   "     -
12. Õlgi ollewat 6. kuus koormat ärra müünu	60   "      -
Eddimanne nõudmisse jaggo ütte kokko	217 Rbl  40 K

Teiselt kaibas P. Praggi weel selle Mäe maa pruukimisse ülle, 

mes suusõnnaga ollu leppitu, et J. Mark ei ollewa sääl ka 

mitte omma leppingut täutnu, kui nimmelt.

1. Ristk heina om puudus 2 wakkamaa, nink leppingo perra piddi mäe maast egga aasta katte wakkamaa ristik hainan ollema, ent ei olle sukkuki ristik hainan piddanu, nink wiimatse aasta olli külwnu, ent toogi olli ziggadest ärra zongitu, nõwwa kahjutassomist selle eest	50 Rbl.   -
2. Allamaad ei olle leppingo perra prukinu, nimmelt: om kolme wakkama Rükki Külwi puudus, selle est   nõwwa	40  "    -
3. Minno wastse KAiwo puu om arra raisatu   do	5   "    -
4. Aida otsast üts hoone ärra laotedu                   do	10   "    -
5. Kolme Ellaja wähhemb piddamisse est leppingomaa jaos, kos Wallawannemb M.Wõsso, om ülle kaenu	100   "   -
teine nõudmisse jaggo ütte kokko	200 Rbl.  -
ülle kige kokko

Nink pallen Kog. kohhut, ommale kahjule abbis olla: omma  asja selletada, nink Jaan Mark ärramassmisselle sundi. 

Sai ette kutsutus rentnik: Jaan Mark, nink üllewanne kaibus ja nõudminne ette loetus.  kes selle pääle kostust andis kui nimmelt: Eddimatse nõudmisse pääle   nink 

1, punkti pääle wastust andis, ja ütles, minna ei tija toost middagi üttelda, kes todda nito zongno om, ei tija ka kes zongja ommawa. 

2, punkti pääle ütles, et Kontrakti perra olli minnol lubba läbbi mõtsa henda Karjamaa ja niido pääle omma karjaga minna, nink ütles weel, et minna kawwe Suwwel Jaan Praggi´ga mõtsan, nink sis olli kik Külla Karri meije jao mõtsa allone täis, nink mina kässi kinni ajada laske, ent Jaan Praggi ütles selle pääle ah lasse käwwa, se om jo wanna mõtsa allune. 

3, punkti pääle ütles, minna ei olle ennamb kui kümmne wakkamaa, künnetud maad kätte saanu, ja olle ka nida paljo jälle künda lasknu. 

4, punkti pääle ütles, minna olle sinna maa pääle jo kolm kõrda ristik haina seemend külwanu, ent konnagi ajasta ei olle minna säält weel middagi saanu ja külwmisse mannu olle minna tunnistaja hendaga ütten wõtnu, kes külwada awwitas, Jaan Piir se woip selgembat tunnistust anda. 

5, punkti pääle ütles, ei olle künnetud egga äestedut kätte saanu, ei anna ka, käest

6,   do      do      do,   Aija olle niidasamma kätte saanu, kui praego omma selle pääle om täht.

7,   do      do      do,   Laggonu olle kätte saanu, ent parrandetu olle käest ärra andnu.

8,   do      do      do ,      do       do     do     do ,    "           do           "        do    "      do

9,   do      do     do,    ei olle minna üttegi katski löönu, noo olliwa jo katski, enne minno wastne ehhitus mulle ei puttu

10,  do      do    do ,   kui ta kütmissega om laggonu, ei olle minno süüd, parrandanu olle.

11,   do      do     do ,  minna olle sedda wiisi pandnu ja laotanu, et minna omma põhhoga läbbi piddi saama. nink 20.                   kubbu õlgi jäije weel ülle, ne jääwa ka sinna. 

12, punkti pääle ütles, too om wõlts, mes temma minno trotsip, tekko tõttes. 

 Teiselt sai ka kohto poolt selle teise kaibusse, ja nõudmisse punkte perrast: Jaan Mark käest perra nõwwetus nink kaibus ja noudminne täwweste ette loetus, kes selle pääle ka kostust andis, kui nimmelt:

1, punkti pääle ütles, minnol olli ristik hain külwetu, ent Ziggadest weidikesse zongitu, nink nemma künniwa ülles ja om      praegu suwwe willi pääl, laskno ristik hainal kasswa, kui ei olles kassunu, sis olles minna massnu, mis perrast Jürripäiwal jo ülles künneti,     n: n: e. 

2, punkti pääle ütles, kui Jaan Praggi minnol olles käsknu, maad walmis tetta ja Seemend toonu, sis olles minna tenu, ent üllekige ei olle minna selle maa jaos ennamb wastu wõtnu Röa külwi, kui kats wakkamaad, nink seda olle minna ka ausaste jälle külwnu nink käest andnu. 

3, punkti pääle ütles, puid olli weidi selle perrast piddi minna wanna põhja perra teggema, et all wanna Salwe puu olliwa kõwwa.

4, punkti pääle ütles, minna olle Jaan Praggi omma lubbamisse pääle laotanu, sest ta olli kolme sainaga ilma kattusseta wanna hoone, minna panni weel ommi palke mannu, ja teije koa otsa Sannas, egga ta kaonu ei olle, temma om jo sääl.  mis Jaan Praggi ilmasjata muid waiwap. 

5, punkti pääle ütles, minnol om ni paljo Ellajat olnu, et minna omma maja põhhuga läbbi tulli, selle maja jaos minnol Ellajatte leppingut ei olle. 

 Minna palle ka kohhut, ülles wõtta mes minnol Jaan Praggi käest nõudmist om ,et minna ka temma käest omma kätte tahha  saada.  Kui nimmelt, 

1. üttel wäikesel laudal, Laggi, Roowi, uss ja raud henge nõwwa	5 Rubla   -kop
2. Tarre wäikenne Uss, raud kongs ja henge                     do	3   "          -
3. WArju allune tettu, minno material                                 do	2    "     50  "
4. kaiw tettu, wastsest Salwe sisse pantu                           do	10   "       -
5. Sann tettu, Usse, Raud kangu ja henge                           do	40  "      -
Kokko	60  "    50   "

Sai ka tunnistaja Kristjan Piir kohto poolt ette kutsutus ja küssitus, mes temma ristik haina kulwist, ja Seemnist woip üttelda, kes selle pääle ütles, et Seeme olnu illusa, ja temma awwitanu essi Nurme wija, nink olnu arwata kummalgi ütte puuda ossa säljän, kui mitte weidikesse rohkemb, ent wähhamb mitte es olle.  Nink awwiti wälja külwa, ja Röa Nurm 8 wakkamaa sai just täis, es tulle pudus, es ja ka seemnit ülle, muud ei tija minna üttelda. 

Otsus.  Enne kui weel kohhus sai moistma, tulliwa sisse taggasi nink anniwa kohto een ülles, et olliwa ärra leppinu, nink nimmelt sedda wiisi, et Jaan Mark, pallep omma kaibus, Keiserliko Tarto Kreis Kohtust taggasi, et om ärra leppinu, nink ei olle kumb, kummagi  käest Wija Hindriko Maja asjun, ei enne, ei ka perran middagi nõudmist, woip olla muun asjan, agga mitte Maja asjon, pallelsiwa sedda kohtul ülles wõtta, nink lätsiwa rahhun walja. 

                        Karrasky sel 3al augustil 1879.

                                                                          Eenistja: J. Tullus.  XXX

                                                                         Mannistja: J. Uibo  XXX

                                                                         Mannistja: J. Leppason  XXX