Karrasky Koggokonna Kohhus sel 31.el augustil 1879.

Tulli ette Jakob Uibo nink kaibas, et ollewa Kusta Ehte käest kümme rubla wõlgo antut rahha saada, kos Kusta Ehte mitto kõrda otsman käwwe, nink minnol mitte sis temma kätte woimalik anda es olle, nink saatse sis temma omma Essa: Jaan Ehte rahha perra, nink sis andse minna temma Essa Jaan Ehte kätte, Kusta Ehte küssimisse pääle pääle omma pulma piddamisse tarwis se rahha, nink ärra tassomisse pääle ei mõtle, ja palle minna nüüd wiije ajastaja protzent 2 Rubla 50. kop. manno, kos sis ülle kiige 12. Rubla 50 kop temma käest saada om, andis Tunnistajas, et kui wast Kusta Ehte peas salgama, et rahha otsman ei olle käinu, Liiso Wõsso, nink Tannil Hölst. 

Sai ette kutsutus Kusta Ehte nink üllewan(n)e kaibus ette loetus, kes selle pääle ütles, minna ei olle mitte Jakob Uibo mann rahha otsman, ei ka wolga wõtmann sukkuki käinu, pulma kutsman käwwe minna küll üts kõrd, agga rahha ei olle koppikut tahtnu ei ka saanu, kui Jakob Uibo minno Essale om wõlgo andnu, sis nõudko ka Essa käest, nink mitte minno käest, ja ütles weel, et Jakob Uibo olli päle litzja, et Oksion piddi saama tettus, kui ka kats koppik egga wõlglane saap, agga Oksion peap saama ärra tettus. 

Sai ka Jaan Ehte ette kutsutus, nink kohto poolt küssitus, kas om Jakob Uibo käest (10.) kümme rubla hõb. omma poja Kusta Ehte kätte, küssimisse tarbis saama, kes mitte es salga, enge ütles, et ei ollewa mitte omma poja Kusta Ehtele saanu, enge ütles sedda rahha Magazini wolla Rükki ostmisse pääle ärra prukiwat, ja lubbas ka essi ärra massa, ent pallel kannatada. 

Sai kohto ette kutsutus tunnistaja, Liis Wõsso, (temma wöörmünder: Tannil Kerner) nink küssitus mes temma woip tunnistada sest rahha otsmissest, kes ütles, minna näije, et Kusta Ehte käwwe tol suwwel arwata üts wiis kõrda Jakob Uibo pool, ja minna küsse, mes siin iks otsip se mees, sis ütles Jakob Uibo naine, Mai Uibo, et temma käwwe jälle rahha wõlgo otsman, agga todda es kuule minna mitte Kusta Ehte ommast suust, nink minna ütli Mai Uibol, ei olle waja mitte rahha wõlgo anda wõerate walda. 

Teine tunnistaja Tannil Hölst sai ette kutsutus ja selle asja perrast küssitus, kes ütles, minna olle nännu, et Kusta Ehte kolmkord om Jakob Uibo pool käinu, mes asjan, ei woi minna mitte üttelda. 

Otsus  Kohhus mõistis, et Kusta Ehte peap se rahha kumme rubla, mes om wõlgo antu, nink 2. Rubla 50 kop. protzenti, se om 12. Rubla 50 kop. Jakob Uibol wälja massma, esmalt selle perrast, et arra salgas, et sukkuki ei olle rahha otsman käinu, kui ennegi üts kõrd pulma kutsman, nink tunnistajatte läbbi om tõttes saanu, et om ennamb kui kolm kõrd käinu nink teiselt, et Jakob Uibo ollewa wanna Pigandi Koggokonna Kohto een Oksioni pallelnu, kos Jakob Uibo Wanna Pigandi Kog. Kohto Protokolli ärra kirja ette näitas mes ka mitte õige es olle, sis olli kohtul nätta, et Kusta Ehte mitte õigusse tee pääl ei tahha käwwa, sis peap ka se rahha est wastotama, ehk küll ka Essa sedda ärra prukino olnes, ei putto se Jakob Uibo´l middagi, enge peap (8) kattessa päiwa aja seen sedda ärra täitma. 

Sai kohtu Otsus, ja § 772, 773 ja 774. kohton käijatell ette loetus, ent Kusta Ehte es olle rahhul, et arwas hendal liiga tettu ollewat, pallel Protokolli, mes kohhus ka lubbas anda. 

                                    Karrasky sel 31.el augustil 1879.

                                                      Eenistja: Jaan Tullus  XXX

                                                      Mannistja: Jaan Leppason  XXX                         

                                              abbi Kohtomees: Johan Raig  XXX

Protokolli ärra kirri kohto arra saadetu.