Ette tulli Andsomäe Nr 59 talo poole maa perisses ostja Jakob Liiw nink pallel oma ostetu Andsomäe poole talo üle tema wiimast tahtmist ehk testamenti üles kirjotada kui nimelt:

1. Andsomäe poole talo perisomanik Jakob Liiw annap umast talo maast mes 6 taalrit suur om, kats taalrit oma poia Hindrikile ja nelli taalrit oma puia Jaan Liiwale.

2. Et poig Peter ja Karl Liiw sellest liikumata maja perimise õigusest ilma omma jäänu, sis peap selle wasta Hindrik Liiw 100 rubla ja Jaan Liiw 100 rubla neile katte welle Peter ja Karli hääs ära masma, kellest sis ne kats kumbgi 100 rubla hennele peranduses saap.

3. Poig Hindrik ja Jaan Liiw, kes selle maja maa omma perandanu, peawa ka omma essa nink emma neide elo otsani ausaste üles pidama, siski ei ole näil enne oma esa surma ütteki õigust seda lubatut maad hennele käte nõuda.

4. Se Andsomäe talo mes üle kõige 12 taalrit suur om, saap niida wiisi ära jaetus ja sellele piiris pantus kui nimelt:

I Hindrik Liiw perip hennele Loosi walla piiri wasta saiswa matükki sellest Andsomäe talo maast, kellele piir jällegi uma wele Jaaniga niidawiisi, et Jaan Risti maa kuppatsist kopli tüki mant edesi Tohkri küla teed mööda kooni Pihlapuu niidu perwe mööda koolimaja maa kuppatsini.

II ja Jaan Liiw saap kõik päle selle wahi piiri saiswa maa wasta Tütsmanni koolimaja maad hennele pruukmises, x pääle selle ka weel Sooküla Soo niidu pääle muido selle maja niidude.

Jakob Liiw XXX

Et Jakob Liiw sellele testamendile uma nime otsa kolm risti om tennu saap kogokonna kohtu poolest siin selle kinnitamise man tunnistedus.

Otsus:

Seda niidawiisi sisse kirjotada.

Päkohtumees Michel Wreman [allkiri]

Kohtumees  Jakob Eiche [allkiri]

        "             Andre Pusep [allkiri]

Kirotj: J. Kirrop