6. Moisa poolt sai kaibatus, et ne  teolisset, kes sel kewwajal Arna weskil kipsi tampnu, omma kätte antud jaggu ei olle ärra tampnu, ent sedda wette ärra wissanu, ni kui möldre poolt sai kaibatus. Selle ülle saiwa nemma üllekulatus:

1. Peter Nemwals tunnist, et temma om nännu et Jaan Wals om ommast jaost wette wissanu. 

2. Jaan Tann üttel nisamma wälja.

3. Gusta Weiko: temm ei ollew middagi nännu.

4. Andres Nikopensius tunnist, et kui temma söma lännu, ollew teise temmal kipsi pääle pandnu ja kui temma selle perrast pahha meel olnu om Jurigo Johan Jaan üttelnu, kas neid sis sullatada ei woi ja om se pääle temma kipsi wette wissanu.

5. Jurigo Johan koste se pääl, et se suggu gi tõisi ei ollewat ja kui nemma se suud wasto saiwa wottis Andres Nikop. omma tunnistus taggasi ja salgas, et temma sedda omwälja üttelnu.

6. Jaan Wals es salga sedda, mes ne kats essimest tunnistajat temma paale kaibsiwa, agga tunnist, et temma Andresse jaost se pääle pantu tük om wette wissanu ja et Andres esi ka jälle om  wissanu, mes Andres küssimisse pääle ka es salga.

Moistetud: Andres Nikopensius ja Jaan Wals saab kui süüdlassed 15 löki witsu.