Laswa wallast Lalli talo perisomanik Andre Udras ja Wanakoiola wallast Johann Mats tulliwa ette nink palsiwa alan saiswat lepingut üles kirjotada, kui nimelt:

1. Andre Udras lainap Johann Mats käest hennele katssada rubla, nink annap selle raha intressu eest uma Woo jõe weeren saiswa Suppati niidu kõige täwwega Johann Matsile pruuki.

2. Kunni Andre Udras seda raha mitte täwweste ära ei ole masnu, seeni ajani pruugip Johann Mats seda niidu saaki ega aasta henele edesi.

3. Andre Udras luppap ka weel suwwel kui ka talwel kunni talwiste pühateni selle niidu perra kaeda, nink seda kahjo eest wõimalikult kaitsa.

Johann Mats um täämba kogokonna kohtu lawwa pääl selle lubatu katssada rubla Andre Udrale wälja masnu, ja Andre Udras ka seda õigeste wasta wõtnu, mes nema uma nime otsa tettu kolme ristiga tunnistawa

raha lainaja Johann Mats XXX

raha wasta wõtja Andre Udras XXX

Et Johann Mats ja Andre Udras oma nime otsa kolm risti omma kirjotanu saap kogokonna kohtu poolest selle lepingo kinnitamise man tunnistedu.

Otsus:

Seda lepingut niidade sisse kirjotada

Päkohtumees Michel Wreeman [allkiri]

kohtumees Hindrik Liiw [allkiri]

     "              Jakob Eihe [allkiri]

Kirjotj: J. Kirrop