Karrasky Koggokonna Kohhos sel 5 oktobril 79.

Tulli ette Weskimõisa wallast Johann Keedus, nink kaibas, et temma andno Karraski Mäe Musti Kõrtsimehhe Jaan Planken /25/ katskümmend wiis rubla selget rahha Wanna Prangli kõrtsin wõlgo, pallel kohhot teddä ärra massmissele sundida, andis tunnistajas kui Jaan Planken ehk peäs salgamma nakkama Jaan Anmann ja Jaan Tross mõllemba Wannast Pranglist. 

Sai ette kutsotus Jaan Planken nink üllewanne kaibus ette loetus, kes selle pääle ütles Johann Keedus essa Jürri Keedus tulli minno manno Mäe Musti, nink küsse minno käest, kas sinnol ka joba Kohta om?  Kos pääle minna temmäle ütlin ei seni ajani weel mitte, sis ütles Jürri Keedus mulle tulle agga minnoga warsti ütten, sis tahhan sulle üts heä koht Wannast Pranglist sowida, nink wõtse temmä minno hendaga warsti ütten, nink jäin Jürri Keedus poole ööses, tõisel ommikul lubbas minnoga essi ütten tulla, ja kohha piiri kiik täwweste ärra neüdata, nink kidse häste wälja, kui minnema nakkasimme sis es tulle Jürri Keedus minnoga mitte ütten, enge saatis omma poiga Johanit, kui lätsime sis tahtsen minna omma suggolasse Keiso Andres kaudo minnä sest et tolle käest olles hääd nõwwo küssino, nink ka mulle abbin olles olno, enge Johann Keedus es lasse mitte, utles lähme Lambi tallo kaudo sest mull om kapsta tõrdolle kiwwi pääle panda, es tõsta üttegi kiwwi es aja ka mitte muud asja tahtse minno ennegi essitada, ja sis massin minna henda taskost neide heä sowimisse pääle 25 Rubla tallo muuja Peter Nuutil wälja, ent et Johann Keedus mulle Wanna Prangli kõrtsin 25 rubla om andno seddä ei mälleta minna mitte sukkogi, sest ma ollin obis purjun minnol om küll Keedusside pääle kaibata, nink tahhan omma massetud rahha 25 Rubla taggasi, selle et Keedusse minno henda kawwalussega om petno, et neil ka Wannan Pranglin perris koht om ja täwweste teedsewa et Peter Nuut konkursi alla olli langeno ja mitte kohta luppa müwwä es olle, ja minno sinnä ostma weije, kos minna üts obis woeras sest middägi teeda es wõi, nink om selge assi et mitte minnol Keiso Andres kault minnä es lasse enge ütles teeme agga rutto muido muido lähhap wast assi halwembas, läts Lambi tallo kault Peter Nuuti poole, es tulle ka mitte essi ütten nida kui lubbasi se nou olli neil kiik nida kokko peeto n. ni eddesi.

Johann Keedus ülles anto tunnistaja Jaan Anmann tunnistas siin kohto een sel 21sel Septr. s.a. nida wiesi, et temma ei olle mitte  selle rahha andmisse mann olno, nink ei tija sellest middagi tunnistada, pallel omma ilm asjanda konnitamisse eest üts rubla waiwa palka nink ni eddesi. 

Teine tunnistaja Jaan Tross Wanna Prangli kirja pääle ollewa Tarto lienan wangin. 

Otsus  Kohhos mõistis Johann Keedus kaibust tühjas eesmalt selle perräst et Jürri Keedus om Jaan Plankeni poole tulno ja lubbano üts hea koht sowida nink Keedus´el ka Wannan Pranglin perris koht om osteto, ja ka sääl essi elläman, kos sis Jurri kui ka Johann Keedus täwweste teedse et piirimees Peter Nuut om konkursi alla langeno, nink tallo mitte müwwä lubba es olle. Teiselt om lubbano essi utten minnä nink henda assemel omma poiga saatno. 

Kolmandalt et Jaan Planken omma suggolasse kault tahtno minnä, ja sedda ka ei olle perra andno, ülle ültse olli kohtol nätta et se kaibus mitte oige tee pääl es olle. 

Nink Johann Keedus peäp omma ülles anto tunnistaja Jaan Anmann ilm asjanda konnitamisse est üts Rubla waiwa palka wälja massma, et se pahhandus läbbi Kohha sowija om tulno, sis kaotap Johann Keedus kui ehk ka olnes rahha andno, omma antud katskümmend wiis Rubla hõb, nink kui Jaan Planken arwap wõip J. Keedus pääle omma sisse masseto 25 Rubla ülle Wannan Pranglin kaibata kon ta praega ellaman om. 

Sai kohto Otsus nink § 772-773 nink 774 kohton käiadelle ette loetus nink Johann Keedus es olle rahho pallel Protokolli mes kohhos ka lubbas anda. -

                                    Pääkohtomees Jaan Tullus  XXX

                                          Kohtomees  Jakop Uibo  XXX

                                          teine   do    Jaan Leppäson  XXX