Sai see poolele jäänu protokoll № 424 edesi seletedus nink Ann Purasson ette kutsutud.Ütleb:  Mino ema käen oli wõtti kon kell seen olli ja kui meie wiimati naksime  kaemi es ole kella sääl Jakobi käen olli kambre wõtti. Kui meie muidu wõttime wallale lukku pöörime käis wõll wäga hästi sis aga es kai enamb lukk nii hästi sest om arwata kas ta mõne tõise wõtme läbi sääl suhwli man käinu! Ütsinda wõib Jakob sest sis wabas jääda kui ta seda ära wannub. Wallawanemb pöörd wiimati kella üles pand suhwli kinni, nink wõt wõtme ära and seda kas minu  wõi ema kätte seda ma ei mäleta.

Mõistus:

 Kogokonna kohus arwab, et kaibus üle kogokonna kohtu arwamise om, nink enamiste nagu asi näitab pääwääriliste nink kaela kohtu moist mise man peab seletedus, saama saab see siist poolt mõistmada jättetus nink kui kohtunkäüja tahtwa edesikäwwa wõiwa seda suurembide kohtihe seletamises edesi wija.