Ette tulli Joosep Wasser ja kaibas Jaan Wasseri pääle kes temal käsknu omale sulasele tema oma wastatamise pääle kõrdsist anda sest et temal raha ei ole olnu, nüüd om tema sulane Johan Leega soldatis ära lännu ja ei ole omma wõlga masnu ja nõud seda 710 kop. nüüd Jaan Wasseri käest. Jaan Wasseril om hendal ka 4 rubla selget raha, nink kaubaga wõtnu 5,66 kop. Summan 16 Rbl 76  kop. nink palub nüüd kogo-konna kohtul seda laske tema käest wälja nõuuda.

Sai Jaan Wasser sen kaibusen küsitu ütles:

Mina ei tija sest midagi: Tema küsse mino käest kas temal palka sisen om, mis pääle ma ütli Ega mina temale weel palka ei ole masnu. Mina massi kõrdsin Johann Leegale palka sis wõinu tema oma ära wõtta Leega wõt raha. Kui minole oles kogokonna kohus palka lasknu kinni panda sis oles ma ka pidanu. Päälegi pidi korsimees mino sulast ööd läbi kordsin kui hommongu kodo tulli olli ta purjun ja raisas minul mittund söögi aiga ära. Temale käsknu anda mina ei ole ütelnu. Mino käen oli raha ja kohtu läbi oles sina iga kõrd mino käest saada. Oma wõla perast üttel Jaan Wasser et temal selget raha ennegi 3 Rbl 50 kop. ja muidu kraami wõtnu 5 rubla eest. Summa 8,50 kop seda massa mina ilm kohtuda. 2 weebruaris täitsa kätte.

Mõistus:

Kogokonna kohus mõistab seda sulase Johann Leega asja tühjas sest et tunistust ega kuuljid ei ole päälegi ei pea kõrdsimees niipaljo lainata, oma wõla 19 rubla peab Jaan Wasser 1 kuu aja seen ära masma.

Otsus kuulutadi kohtunkaujile § 773 ja 774 perra ette kon molemba kohtun käüja rahul olliwa.