Ette tulli Gusta Seeba ja kaibas et endised selle walla magasi walitsuse nimelt wallawanemba Jaan Lepasoni ja kirjotaja Nemwalzi pääle et temal magasi raamatu ümbre kirjotamise man tõisest raamatust tõiste 16 mõõtu rüki om manu kirjotedu mes tema nüüd osast oma juba ära massetu muist weel masmata ja palleb seda nüüd kohtudel seletada nink omma tagasi saada.

Sai Jaan Lepason sen kaibusem küsitu ütles et tema sest asjast midagi ei teedwad.

Sai Peeter Nemwalz sen kaibusen küsitu ütles mina ei tija ka sest midagi, mina arwa et see om perast wist awalikus tulnu et tema ei ole lainamise aigo saanu üles tähentedus seda ole mina sis perast ülestähentanu ja see om õige et Gustal massa om, see om  mino teeda 77 aasta wõlg mes kihelkonna kohus es luba sell aastal suguki wõlas jääda.

Mõistus Kogokonna kohus mõistab

et Nemwalz hooletu om olnu nink ei ole kõrda pidanu, massab Nemwalz poole 8 mõõtu rüki ära magaside ja Gusta Seeba saab oma poole maga sest wälja. 8 mõõtu.

Otsus kuulutedi T r s § 773, 774 perra ette. Gusta Seeba es ole rahul.