Ette tuli Daniel Tikk ja and ette et temal om kadonu Jaan Troonile mõne aasta eest kui ta weel elas andnu raha 8 rubla, sis kui tema oli ära koolnu, sis om tema kogokonna kohtu man siin seda üles andnu, ent perast om siin otsuses tettu et Jaan Seeba selle eest saab wastotama, mis ka Jaan Seeba om lubanu selle eest wastotama tema om enne Jaani surma sääl käinu ja Jaan Troon om käsknu seda ära massa mes Peeter Wals om kuulnu.

Sai Jaan Troon naine Mari Troon ettekutsutus ütles mina ei tija kuna see wõetu om wõib olla et see esa aiga om olnu.

Sai Jaan Seeba küsitu ütles mina ei tija sest midagi kui wõib olla et tal om saada sis ta wõib kätte saada. sis ole ni hää ja kannata.

Peeter Wals sai selle tunistuse perast küsitu ütles: Mina oli sääl man kuuli seda et kadonu Jaan käsk seda ära massa.

Sai Jaan Luik sen kaibusen küsitu ütles Mina käsi see proklam walja panda ja Daniel Tikk käwe kohtu man ja and üles, et temal saada om, kirjotaja kai et weel proklami aiga om, ja see pidi protokolli toll kõrral üles wõetud saama.

Mõistus, Kogokonna kohus mõistab: Et

Daniel Tikk selge tunnistus om Jaan Troon warandusest perida 8 rubla, päälegi et temal ka õigel ajal proklami aigo om üles andnu, et temal perida om päälegi et ka Jaan Seeba kui läsk Mari Troon wöörmunder seda edimalt om lubanu massa. Peab seda Jaan Troon perandusest 2 nädala seen 8 rubla wälja massetus saama.

Otsus kuulutedi T r s § 773, 774 perra ette.