Ette tulli Jüri Wokk ja kaibas oma peremehe Jakob Laar pääle, kes olla tema korteri lännu nink nakkanu wandma ei tija kas olnu puss wõi suur malk säljan tema lats olnu ahjo pääl see heitinu ära ja sadanu üle pää patta päälegi olla Laar usse weel maha löönu kui tarre oli lännu sest naise olla usse kinni hoitnu Jaan Wals olla nännu.

Sai Jaan Wals küsitu ütles Jüri Wokk lats magasi ahjo weere pääl sis tulli Laar sisse ja nakas wandma ja lats käänd üle ahjo weere patta.

Sai Jakob Laar küsitu ütles: Sõreste haina woor läts saalt mööda ja Jüri Wokk poig käwe sinna koormast haino Wargile, pääle see kui haina woor ära läts sis tulli Woki poig weel sinna koorma alutsid riibma, mina lätsi teda tõrelema, sis nakkas pois minu hirmsaste sõimama, mina lätsi küll sis sinna tõise tare manu ja küsse kas neil latsil ka wanembid om. Minul es ole midagi käen kui mina tarre lätsi saisiwa naise keewa wee käsikidega wasto. See lats ei ole mitte sis palanu, kui nema kaibawa, sest enne seda tol pühapäiwal om Leppalt üts pois Kioman käünu Oleski pool lakki otsman sest sääl olla üts lats paan ära palanu.

Otsus jääb nii kauges kuni Jaan Olesk ja Jüri Wokk naine Eewa ette saab.