Ette tulli Andres Wals ja kaibas Ann Tannasilm pääle, kes teda olla ähwardanu kui Ann käünu perra nõudman kas tema tema pojaga lepma tahas, nink kui see leping saas mes Andres sis tema käest oles noudnu. 

Kui tema wäimees Märt Pillberg kusinu kõige kahjo manu rubla rublale manu sis olla Ann Tännasilm ütelnu aga teil ka moni kahjo sis saab sündima nagu see mõnel om sündinu hainakuuni ja muu hoonete palotamisega seda olla Ann Tennasilm kats kõrd käünu ja ütelnu, nink kuulnu seda Ann Roos ja Märt Pillberg nink pallep seda protokolli wõtta et kui temale see peas johtuma et sis see Ann Tännasilm peb teedma.

Sai Ann Roos sen kaibusen kusitu ütles tema tuli sen odangul sinna nink nakkas nõudma mes nema lepitust .

Aga teie kahjo nakate kandma om kats kõrd ütelnu nõnda kui see ilmaaigo om palotedus hainakuune ja muud.

Et Märt Pillberg waikest kuulmist ei kuulnu sis tema ei ole seda wäikest helu kuulnu.

Sai Ann Tännasilm küsitu ütles mina käwe kül kats odangut sääl mina ei ole midagi kõnelnu see ei ole õige mes mino pääle kaiwatu om. Mina teid ei kuule mina lää ära mes teie minno kiusade ma ei kulle teid.

Mõistus

Et Ann Roos om tunistanu päälegi Ann Tannasilm siin kohtu man om kropp olnu ja ei ole kohtu keeldo kuulnu peab Ann Tannasilm ka selle ähwardanise eest 3 öödpäiwa turmin olema

Otsus kuulutedi Tr § 773, 774 perra ette.
s.