Tulli ette Saksa Mõtsawaht: Jaan Uibo, ja kaibas, et Suuretee Tinno raggoja: Jaan Illo, ollewa 6 puud mahha raggonu, mes ülle kiige kokko 43 1/2 Tolli wälja teep, ja nõudis selle, et ülle keelu om raggonu, egga tolli päält läbbistikko 6. kop.

Kutsuti ette raggoja: Jaan Illo, sai kaibus ja nõudminne ette loetus, kes ka es woi sallata, enge ütles henda süüdlasse ollewat, nink pallel andis andmist. 

Otsus. Tulliwa ette, enne kohto otsusse teggemist, nink anniwa ülles, et olliwa ärra leppinu, Jaan Illo (pallemisse pääle) massap Mõtsawahhil (1.) rubla, mes 8a päiwa aja seen peap ärra massetu ollema, nink lätsiwa rahhun wälja.

                                                                       Eenistja: Jaan Tullus.  XXX

                                                                       Mannistja: Jaan Leppason.  XXX

                                                                  Abbikohtomees: Johan Raig.  XXX