Tulli ette: Jaan Riit (Krotussest) ja kaibas, et ollewa Karel Kumm käest saada (2.) katz rubla, nink ei masswat ärra, se wõlg ollewa sedda wisi saanu, kui Peter Uhha Krotusse kõrtsist ärra lännu, sis olnu Karel Kumm´il Peter Uhha´l wõlga 2 rubla massa, ent ei olle rahha se kõrd massa olnu, ja pallelnu tedda (Jaan Riit´a) olle ni hää, löö käe mehhes, ehk massa ärra.  Küll minna sinnol arra massa, minna too sinnol õige pea Kottust üts wak Rükki, sis saame tassa. Ja nüüd olle seeni ajani ootnu, ent massmissega ei tee tekko, palle kohhut tedda ärra massmissele sundi, et minno ommandus kätte saas. 

Kutsuti ette Karel Kum(m) sai kaibus ja nõudminne ette loetus, kes eesmalt tahtse sallata, agga es lähha kõrda, ennegi pallel kannatada. 

Otsus.  Tulliwa ette ilma kohtu otsusesta, ja anniwa ülles, et olliwa ärra leppinu, nink Karel Kumm lubbanu Jaan Riit´al süggise ilma terminita ärra massa, nink lätsiwa rahhun wälja. -

                                                                                                 Eenistja: Jaan Tullus.  XXX

                                                                                                 Mannistja: Jaan Leppason.  XXX

                                                                                            Abbikohtomees: Johan Raig.  XXX