Tulli ette Juusa Jakob Uibo sullane Jürri Loos ja kaibas et perremees Jakob Uibo ajano tedda too kõrd ärra kui kohtomees Jaan Leppäson tedda perremehhe manno kohto mõistmisse perrä taggasi wiino, ja ei masswat temmäle ka omma teenitud palka ärra leppimisse perrä leppito olle 25 rubla rahha 4 näddalit pääkolin käwwa ja 1 wak Kartohwlit mahha panda, kätte ollewa saano 5 rubla rahha ja pääkolin ka ärra käino muido kiik saamata, ja pallel kohhot omma asja selletada nink perremeest Jakob Uibo ärra massmissele sundi nink ni eddesi, et om minno ärra ajano wõip tunnistada sullane Jaan Uibo. 

Kutsoti ette Jakob Uibo sai kaibus ja nõudminne ette loetus, kes selle pääle ütles, aasta teenistusse jättis poolele, kos   

 Sai weel Jürri Loos käest kohto poolt küssitus mes perrast temma om ärra länno, kes ütles kakkelusse ja suure ähwärdamisse perräst, ent kui kohhos minno taggasi mõistis ja kohtomees Jaan Leppäson minno taggasi wiis, sis aeti minno ärra, ja minna lätsi kohtomees Jaan Leppason poole, kes ütles kui sinno om ärra aeto, sis kae kost ülles piddämist saat. 

Ahhelatte perräst ütles minnol kästi Ubbone kapla panda,  ja minna panni ka, egga minnol leppito es olle mann maggada, ehk wast perremees essi ärra tõije ja nüüd nõwwap minno käest takkan. 

Wankri perräst ütles perremehhe poig essi sõitis wangerdega, ei tija kos essi katski teggi, nüüd käntas minno pääle, minno käe ei olle neide külge saano ei olle ka middägi katski tenno. 

Päiwi perräst üttel na kullosiwa minnol een walmistamisse pääle enne Oppuselle minnekut. 

Kutsoti ette tunnistaja Sullane Jaan Uibo sai kohto poolt ärra ajamisse perräst küssitus, kes ütles, minna lätsin omma too manno ei tija middägi ülles ajamissest ei ka ärra ajamissest üttelda ei olle ka middägi kuulno. 

Kohhos wõttis selletussele kui suur Jürri Loos palk om. 

teep wälja kuude wiisi egga kuu     2 Rubla 75 kop. 

Otsus.  Kohhos mõistis, sest et Jürri Loos om üttessa ja pool kuud kallimbat aiga ärra teenino ja kohto poolt sai taggasi jälle teenima mõistetus nink perremees Jakob Uibo ei olle wasta wõtno peäp Jakob Uibo Jürri Loosil egga ärra teenito

kuu est 2 Rubla 75 kop wälja massma,

mes kattessa päiwa aja seen peäp ärra massetu ollema.

Ent Jakob Uibo wasta nõudmisse mõistis kohhos kiik tühjas. 

1se    punkti selle perrast et T    üttegi kahjo ei woi saada, ja sullast es wõtta wasta kui kohtomees kätte wiis. 

2se   punkti selle perräst tühjas et om essi kaskno Obbene nurme pääle ahheldega kapla panda ja sel sammal ööl säält ärra kaddonu ei olle sullase süüd mitte. 

Ja 3ma punkti selle perrast tühjas et es olle tunnistajat ülles anda kas just Jürri Loos om katski tenno. 

Sai kohto mõistminne ja §§ 772-773 ja 774 kohton kaiadelle ette loetus ent Jakob Uibo es olle rahho et arwas hendal liiga tetto ollewat pallel Protokolli mes kohhos ka lubbas anda.

                                            Pääkohtomees Jaan Tullus  XXX

                                            Kohtomees  Jaan Leppason  XXX

                                            abbi   do    Johann Raig  XXX