Karrasky Koggokonna Kohhos sel 2 Mail 1880

Tulli ette Kusta Ehte ja kaibas et Jakob Uibo ollewa Keiserlikko Vma Kihhelkonna Kohto ees wõlsi wandno sedda wõiwat temma Kusta Ehte katte tunnistajaga tõttes tettä kui nimmelt Adam Armulik Jooso wallast ja Andres Parmak Serreste wallast, et mitte minnole sedda kümme rubla wõlgo ei olle andno,enge minno Essa Jaan Ehtel, nink ei olle ka minno käest mitte enne nõudno kui minnewä aasta, agga minno Essa Jaan Ehte käest ollewa Jakob Uibo mitto kõrda sedda wõlga perrä nõudno. Sis palle Kohhot minno asja selletada tunnistagat ülle kullelda ja minno minno ommandusse taggasi samissele awitada. 

Kutsuti ette Jakob Uibo sai kaibus ja nõudminne ette loetus kes ütles, kuidas temma Kusta Ehte särast trotsi minno pääle wõip tettä nink minno nida teotada, egga mina todda ei olle üttelno et Kusta Ehte kätte ollen minna essi rahha andnu, agga et Kusta Ehte mitme kõrra otsmisse ja pallemisse pääle olle minna temma Essa Jaan Ehte läbbi Kusta Ehtel se rahha se om kümme rubla saatno egga minna selle mann süüdlänne ei olle et Kusta Ehte Essa Jaan Ehte se rahha om ärra prukkino, egga  Jaan Ehte sedda ka ei olle salgano, ni kui Protokoll sest 31 Augustist 1879 No 56 mes Keiserlik V Kihhelkonna Kohton jo een om wälja neütap. 

Kutsuti ette tunnistaja Adam Armolik (Josost) sai kohto poolt küssitus mes temmä Kusta Ehte ja Jakob Uibo asjast tijab üttelda, kes ütles minna johto ka Wanna Pigandi Kog Kohton sel kõrral ollema, kos Kusta Ehte temma Essa Jaan Ehte ja Jakob Uibo olliwa ka sääl sis kuuli minna omma korwaga kui Jakob Uibo Kusta Essa Jaan Ehtega konneli ja üttel, kuis sinna ni petja ollit, wõttit minno käest rahha wõlgo ja nüüd ei massa ärra, kos Jaan Ehte wasta üttelno, minna pakki sinnol Talwel Linno mes perräst sinna es wõtta sis olles meije tassas saano, ent Kusta Ehtega ei ollewa Jakob Uibo mitte teggemist tenno tookõrd, et küll Kusta Ehte ka sääl olno. 

Kutsoti ette teine tunnistaja Andres Purmak (Serrestest), sai ni samma küssitus kui eddimätsegi käest kes ka sedda samma ütles, et Kusta Ehte olno ka sääl ent Jakob Uibo ei olle Kusta Ehtega mitte teggemist tenno, ennegi kõnnelno Jaan Ehtega ja nõudno omma wõlgo antud rahha. 

Otsus  Kohhos arwas ja mõistis neide katte üllewan ülles anto tunnistajatte wälja ütlemisse perrä, et Jakob Uibo tookõrd mitte Kusta ehte kaest ei nõudnu, et küll Kusta Ehte ka sääl olli, om ennegi Jaan Ehte käest omma antud /10/ kümme rubla perrä otsno, kos ka Jaan Ehte omma wõlla tassomisses Jakob Uibol Linno om pakno, Kusta Ehte massmissest prii nink, Jakob Uibo kaibako wastsest Jaan Ehte pääle. 

Sai kohto mõistminne ja §§ 772 773 ja 774 Kohton kaiadelle ette loetus, ent Jakob Uibo es olle sellega rahhul et arwas hendäl liiga tetto ollewat, nink pallel Protokolli mes kohhos ka lubbas anda. 

                                      Karrasky Kohtomajan sel 2 Mail 1880

                                                   Pääkohtomees Jaan Tullus  XXX

                                                   Kohtomees  Jaan Leppäson  XXX

                                                 abbi    do    Adam Lukkatz