Karrasky Kogokonna Kohhos sel 16 Mail 1880

Wallawannemb Michel Wõsso tulli ette ja kaibas et mürsep Lillo Rihm Kiomast tenno sel talwel 1878 Karrasky Walla Obbose ja Ellaja lauda wundamendi kaup, ja wõtno se ehhitus henda pääle, ja kauba kinnituses andsin minna temale Lillo Rihmal /5/ wiis rubla käe rahha, nink es tulle mitte teggema ni kui meil leppito olli enge ütles enne ei sa minnust tullegat konni wärsket wilja saap ehk andko tõisele töö ärra, ja piddin Wenne laisile ärra andma kes töö terminis walmis teewa ja nüüd ei massa temma se anto käe rahha mitte taggasi ja tööle tullegat temmäst ka es sa, nüüd nõwwan ennegi et temma waene mees om se temale antu käe rahha ja katte aasta protsent manno. 

Sai ette kutsotus Lillo Rihm ja üllewanne kaibus ette loetus kes kiik ütles õige ollewat ennegi pallel kannatada. 

 Otsus  Kohhos mõistis et Lillo Rihm peäp se woeto käerahha 5 Rubla ja katte ajastaja protzent manno a 5 kop Rubla päält se om 50 kop ülle kige wiis Rubla 50 kop 14 päiwa aja seen wälja masma peäp. 

Sai kohto Otsus ja § 772-773 nink 774 kohton käiadelle ette loetus nink lätsiwa rahhon wälja. 

                     Karrasky Kohtomajan sel 16 Mail 1880

                                                       Pääkohtomees J. Tullus  XXX

                                                       Kohtomees J. Leppäson  XXX

                                                       teine    do   S. Raig  XXX