Karrasky Kogokonna Kohhos sel 16 Mail 1880.

Tulli ette Karrasky Ehamarro Kõrtsimees Peter Dulder ja kaibas et Juusa Jakob Uibo ei masswat omma pääkohtomehhes tahtmisse ette jodetuid Liike mitte ärra kui nimmelt. 

1malt kui jo Wallimiste helli wälja tulli wõttis õllot ja wiin	1 Rubla  25 kop
2selt Nida sammati omma sowija Sõbradega	1     -       78  -
3dalt Nida sama oma sowija Sõbradega	1     -       82   -
4dalt   do              do                     do	1      -      50   -
5dalt kui sai ärra walitus nink ülles tõstetus uts waat Ollot	8     -      40   -
6dalt üts Pää Zukrot wõttis Tartost henda pääle koddo tuwwa laskis tee pääl ärra warrastada Jaan Tullus tunnistaja massap	6      -
7dalt Bairisch Õlle eest se om pool korwi	1       -
8dalt Jani poig Johann Raig eest käemehhes lööno ehk lubbano massa tunnistaja Jaan Tullus ja Adam Raig	4      -
Se teep ütte kokko wälja mes Jakob Uibol minnol wõlgo om	25 Rub 75 kop

Nink palle kohhot Jakob Uibo sundi et temma minnol ärra massas.

Kutsuti ette Jakob Uibo sai ullewanne kaibus ja nõudminne ette loetus kes ütles

1matse   2se 3da ja 4da punkti pääle  minnaei olle wõtno ei massa ka mitte. 

5da punkti pääle ütles ni samma

6da punkti    do     do      do      minna olle 4 Rubla ärra massno (Emmända katte).

7da  punkti pääle minna ei olle küssino ei massa ka mitte

8.da punkti pääle minna ei olle henda pääle wõtno ei massa ka mitte, minna palle henda poolt Jaan Läwwi tunnistajas ette wõtta. 

Kutsoti ette tunnistaja Jaan Läwwi sai kohto poolt küssitus, mes temmä tijab sest joomisse asjast üttelda, kes ütles joodos sai egga kõrd too om õige, agga kas ta kiik wõlgo om woeto sedda ei tija minna mitte üttelda. 

Kutsoti ette kõrtsi Emmand C. Dulder Wöörmünder temma mees Peet Dulder, sai kohto poolt Zukro pää massmisse perräst küssitus kes ütles /4/ nelli rubla massis Jakob Uibo küll minno kätte kos Jaan Tullus mann olli, se olli essi wõlg mes tassus sai arwatus agga mitte Zukro Pää eest, kuis Jakob Uibo wõis Zukro eest massa kui weel sukkogi nõuto es olle, se om wõls mes Jakob Uibo tõendap. 

Sai Pääkohtomees Jaan Tullus käest küssitus eesmalt Zukro Pää perräst, kes ütles nemma johtonowa Tarto lienan kokko kui nimmelt temma Jaan Tullus  P. Dulder ja Jakob Uibo, sis ostno Dulder kaupmees Kasarinow mant mõnne suggost kaupa, nink Jakob Uibo wõtno essi poodi letti päält se Zukro pää ja wiino omma wankri, agga kotton ei olle kätte andno, kas weie omma koddo wai laskis arra warrastada sedda minna ei tija mitte üttelda. 

Tõise ülles anto tunnistosse perrast ütles temma Jaan Tullus olno mann kui Jakob Uibo lubbano Jaani poig Johann Raig eest /4/ nelli Rubla wõlga massa se om tõtte. 

Kutsoti ette tunnistaja Adam Raig sai kohto poolt küssitus mes temma tijab üttelda, kes ütles Bairische Õlle joomisse mann olli Jakob Uibo ikkes ka ütten ja lubbas ka massa, ni samma kui toisetki se om õige, ni samma ka Jaani poig Johann Raig perräst ütles, minna Adam Raig olli man kui Jakob Uibo ütles kõrtsimees Dulderil, wõit küll anda, minna wastotan, agga kui paljo ehk kui suur too andminne piddi ollema, ei olle õigede melen agga lubbas wastotada ehk massa. 

Otsus  Kohhos mõistis tunnistusse perrä ni kui kiik wald tijab et om wõtno ja jootno kui nimmelt, peäp Jakob Uibo Peter Dulderil wälja massma kui neütap

1malt Wiina eest ni kui tõisel pool neätap se om	6 Rubla  35  kop
2selt üts waat Õllet eest 14 a toopi Suur a 5 kop toobi eest	7  Rubla  -
3dalt Zukro pää eest et om henda hoole alla wõtno piddi ka ärra andma se om 28 nakla a 18 kop naela eest teep ütte kokko wälja	5 R         4 kop
4dalt Bairisch Õlle eest unnistusse perra massap	1 Rubl     -
5dalt Jaani poig Johann Raig eest katte tunnistaja wälja ütlemisse pääle et om lubbano wastotada se om ni hää kui massa	4 Rubl     -
Mes ütte kokko wälja teep	23 R      39 kop

mes kattessa päiwa aja seen peäp wälja masseto ollema. 

Sai kohto mõistminne ja §§ 772 773 ja 774 kohton kaiadelle ette loetus ent mõllemba es olle rahhol et arwasiwa hendil liiga tetto ollewat nink pallelsiwa Protokolli mes kohhos ka lubbas anda. 

                                Eenistja Jaan Tullus  XXX

                                Manistja Jaan Leppason  XXX

                             abbi koihtomees Adam Lukkatz  XXX