Karrasky Koggokonna Kohhos sel 30 mail 1880

Tulli ette Karrasky Musti moisa kantnik Michel Messi ja kaibas et Musti Mõisa rentnik Daniel Welly ollewa temma poiga (Johanni kes karjan käup) pessno, ni et et wai sandis peäp jääma, tunnistada woiwat Kristjan Piir, ja Jakob naine Anne Mürs, ja pallel omma latse pessmist kohtol ülle kullelda, nink selle ülle Otsust ehk selletust tettä ja noudis omma latse pessmisse eest /300/ kolm sadda rubla.

Kutsoti ette karja pois Johann Messi, Woormünder poisi Essa Michel Messi, sai kohto poolt pessmisse perräst küssitus kes ütles, et rentnik wõtno kaala pitti kinni tõmmano mahha ja lööno Saapa ninnaga rindo, russikoga lööno sälga, nink pidsa warrega lööno nelli kõrda pähha ja sõrmi pääle.

Kutsoti ette rentnik Daniel Welly sai kaibus ja nõudminne ette loetus kes selle pääle ütles, sis ei wõi minna mitte perremees olla kui karjosse ka mitte sõnna ei kuule ja wasta pannewa, minna käskse poisil Ellaja kõrratu mulla päält ärra ajada, ent pois es kuule sedda mitte, ja saise kui tulp, sis lätsi minna omma karjusse manno wõtti temma witsa sopse tedda enne läbbi, ja lätsi sis poisi manno minnema, ent temma nakkas joskma, nink minna joosin järgi, ja leije selle samma witsaga rõiwaste pääle, sis wõtti karjusse omma piidsa ja leije sellega weel üts kõrd pääle, russikuga ehk saapa ninnaga ei olle minna tedda mitte lööno se om wõls. 

Kutsoti ette tunnistaja Kristjan Piir sai kohto poolt küssitus mes temma sest asjast tijap üttelda kes ütles lermi minna kuli aga löömist minna mitte es näe, ja süüd mes perräst, et Ellaja ülle kõrrato mulla olliwa länno, ja kuuli kui rentnik üttel, kas sinna jõwwat minno kahjo wastotada muud es kuule ei wõi ka üttelda. 

Kutsoti ette teine tunnistaja Jakob naine Ann Märs wöörmünder (Johann Naris) sai kohto poolt küssitus mes temma om nänno selle asja mann kes ütles, et Essand läts Witsaga ja leije Witsaga pois tännit, kui paljo taa leije sedda ei tija minna mitte üttelda. 

Otsus  Kohhos mõistis et tunnistajatte ja rentnikko omma wälja ütlemisse perra et om pessno mes keeleto om, et omma kaega trahwimist ei tohhi olla massap rentnik Daniel Welly kolm rubla Johann Messile ja kolm rubla waeste laati trahwi mes kattessa päiwa aja seen peäp ärra masseto ollema. 

Sai Kohto mõistminne ja §§ 772-773 ja 774 kohton kaiadell ette loetus ent mõllemba es olle rahhu nink pallelsiwa Protokolli mes Kohhos ka lubbas anda. 

                                         Päämees Jaan Tullus  XXX

                                         Kohtomees Jaan Leppäson  XXX

                                 teine    do    Samoel Raig  XXX