Kuwwendalt,  Tulli ette Kusta naine Liso Joon (Wöörmünder Kusta Joon) ja kaibas, et Michel Pokker ollewa omma naisega tappelnu, ja se naine Leena Pokker tännitanu tulge appi, ja ärge laske minno ärra tappa, nink temma Liso Joon lännu tarrest wälja, ja nakkanu Michel Pokker´it hääga keeldma, ent Michel Pokker löönu temmal kurrale poole meele kotsille keppiga pähha, mes pääkohtomees Jaan Tullus om ülle kaenu, tunnistada wõiwa Michel naine Marri Kerner, ja nõudis omma löögi eest 25. rubla. 

Kutsuti ette Michel Pokker, sai kaibus ja nõudminne ette loetus, kes koggoniste ärra salgas, et temma ei ollewa tedda mitte löönu, nink ni eddesi. 

Kutsuti ette tunnista Michel naine: Marri Kerner (Wöörm: Tannil Kerner) sai kohto poolt küssitus, mes temma tijap sest asjast üttelda, ehk mes temma sääl om nännu, kes üttel, et Liso Joon kaibus om kiik õige, n: n. e:

Sai ka pääkohtomees: J. Tullus käest kohto poolt küssitus, kes ütles muhk olli pään ütteldu kottusse pääl, ja keppi olle kaenu, nink süüdlanne om Michel Pokker. 

Otsus.  Kohhus moistis tunnistusse ja üllekaemisse perra, et Michel Pokker süüdlanne om, massap Liso Joon´il kolm rubla löömisse est, ja üts rubla waeste Laati trahwi mes 8a päiwa aja seen peap ärra massetu ollema, selle perrast, et ei tohhi, ehk pea kaklema.

 Sai kohtomoistminne ja §§: 772, 773, n: 774. kohton käiattel ette loetus, nink lätsiwa rahhun wälja. 

Karrasky sel 30al Mai 1880.                       Eenistja: Jaan Tullus.  XXX

                                                                      Mannistja: Jaan Leppason  XXX

                                                                             do   :  Samuel Raig. XXX