Karrasky Koggokonna Kohhus Jusa sel 13al Junil 1880.

 Tulli ette mõtsawaht Jaan Uibo ja kaibas, et Jusa Jakob Uibo ollewa (1000.) üts tuhhat kuuse Warba kiik ütsiko kanno päält raggonu, mes läbbistikko tüwwe otsast eggaüts (1 1/2) poolteist tolli jämme, nink läbbistikko poolteist sülda pikka, ja nõudis 20 kop. hõb. Tolli päält, kahjo tassomist, nink pallel Kohhut sedda asja Moistmisse alla wõtta, tunnistaja Kohtomees: Jaan Leppason kes sisse minneki jälgi, ja Warba luggemissen olli, teine tunnistaja Jusa Tallo karjus, Jakob´i poig: Jaan Rattus, kes kohtomees Jaan Leppason´i mann ollemissen ütles, eila öse toodi kats koormat, ja täämba öse toodi ka katz koormat. 

Kutsuti ette Jusa: Jakob Uibo, sai kaibus ja nõudminne ette loetus, kes selle pääle ütles, minna ei olle ennamb mitte toonu, kui mes perris herra minnol olli lubbanu, nink nee, mes aijan jo olliwa, omma kuijonu, ent nee, kumma maan olliwa haina sissen, omma ehk näitawa toores henda, tunnistada wõiwa: Jaan Undritz, Johan Laban, ja minno karjus Jaan Rattus. 

Kutsuti ette tunnistaja Jaan Undritz sai kohto poolt küssitus mes temma tijab neist aija Warbadest, kes ütles, sis kui minna sääl käisi, tetti aida, ja warba olli maan, agga kui paljo neid olli, sedda ei woi minna mitte üttelda, egga minna neid es loe. 

Kutsuti ette teine tunnistaja Johan Laban, sai nidasamma küssitus, kes ütles, aida tetti mitto päiwa, kost saiba ja warba toodu olliwa, sedda ei tija, ei woi ka minna mitte üttelda. 

Kutsuti ette kolmas tunnistaja, Jakob poig: Jaan Rattus, (wöörm: T. Kerner) sai ka seddasamma wiisi küssitus, kes koggoniste ärra salgas, temma ei teedwat middagi, ja ei ollewat ka middagi üttelnu. 

Sai ka kohtomees Jaan Leppason käest kohto poolt küssitus, mes temma sest asjast tijab üttelda, kes ütles, kui se assi olli sündinu, tulli mõtsawaht Jaan Uibo minno poole, ja kutsus minno ütten, nink lätsime jällgi mööda kunni Jakob Uibo aija mannu, kos takkast lauda ülle Kopli selgest jälje tutta olliwa.  Kos ka karja poiss Jaan Rattus minno kuulden: Mõtsawaht: Jaan Uibo´l ütles, eila öse toodi katz koormat, ja täämba toodi ka katz koormat, aija Warbu mõtsast.

Nink saiwa mõtsan kannu, kui ka Jakob Uibo pool nee aija Warba ülle kaetus neist een nimmetedu liikmest, kui nimmelt: Pääkohtomees: Jaan Tullus, Kohtomees: Jaan Leppason, ja kohtomees : Samuel Raig, ja Mõtsawaht Jaan Uibo, nink leiti kiik ni kui Mõtsawaht: Jaan Uibo, om ülles andnu, et totte om. 

Otsus  Sest, et se assi ülle Koggokonna Kohto Moistmisse arwatas ollema, sis antas se Protokoll ütte Keiserlikko Werro Maakohto Otsusse, ehk Moistmisse alla allandlikult. 

                                                    Eenistja: Jaan Tullus.  XXX

                                                    Mannistja: Jaan Leppason.  XXX

                                                          do     : Samuel Raig.  XXX