Kolmandalt.  Tulli ette Karrasky Moisa Moonamees Peter Leib ja kaibas, et moisa rentnik Peter Koth, temma palgast 4 rubla mahha wõtnu, kui nimmelt: 1, rubla, Tartun käinu, hobbesega waega ruttu koormaga sõitnu, teine rubla, et Rehhe mant puid toonu, woi warrastanu, kolmas rubla salgamisse wahhel, ütles kirjan ollewa, ent minna ei olle saanu ehk wõtnu,  nink neljas rubla, käe rahha lubbas kinki, ja nüüd arwas palga mannu, ja hainamaa niitmisse eest, et es jõwwa nii paljo ärra niita kui tahtminne olli wõttis naise kats päiwa mahha, palle kohhut omma asju selletada. 

Kutsuti ette rentnik Peter Koth sai kaibus ja nõudminne ette loetus, kes eddimatse punkti ütles õige ollewat, nisamma ka teine punkt, ent kolmandama punkti mann ütles, minnol om kirjan, nink temma salgas ärra, neljandama punkti mann ütles sedda minna ei olle lubbanu, nink wiendama pääle minnol omma hainama wakkamaa kaarti pääl üllewan, ja niipaljo mehhi sinna pääle pandnu, et päiwaga piddi mahha niidetama, selleperrast anna minna omma Sullaselle söök ja palk. 

Otsus. Kohhus moistis, eddimatse, ja teise punkti trahwi rahha peap rentnik P. Koth se katz rubla 8a päiwa aja seen waeste kassa hääs arra massma, sest et ta trahwi rahha om ja rentnik essi ei woi trahwi wõtta, kolmandat punkti peawa ümbre selletama, nelja punkt jääp Peter Leib poolt tühjas, sest, et moisade pääl käe rahha ikkes palga mannu arwatas, nink wiendama pääle, peap rentnik Peter Koth naise katz päiwa kätte ehk ärra massma, ja Peter Leib massap selle puuduwa niitmisse est Moisal 40 kop: ommast palgast ärra. 

Sai kohtomoistminne ja §§ 772, 773, nink 774. kohtonkäijatelle ette loetus, nink lätsiwa rahhun wälja. 

                                                Eenistja: Jaan Tullus.  XXX

                                               Mannistja: Jaan Leppason  XXX

                                               Mannistja: Samuel Raig. XXX