Karrask y Koggokonna Kohhus sel 11.al Julil 1880.

 Tulli ette Karrasky moisa rentniko poig: Peter Koth ja kaibas, et Johan´i naine Marri Kanzler, ja Karel naine: Ewa Raud ollewa Moisa niido päält orrust haina poimnuwa, nink temma Peter Koth saanu kätte, ja wõtnu Zirbi käest ärra, küssinu mis neide nimme omma, eddimanne üttelnu minna olle Ann Pihho, ja teine üttelnu minna olle Marri Wosso, ent wiimate olli mõllematel woltz nimmi ülles antu, nink warsti perrast sedda olnu: Johan Kanzler´i Lehm moisa Rükki sisse lännu, ja Joh: Kanzler´i naine tulnu ka lehma mannu, säält tundnu Peter Koth ärra, et Johan Kanzler naine ka se haina poimja olnu, et tookõrd kull wõõra nimme olli ülles andnu, kui peassiwa salgama andis tunnistajas ülles, Üllejoe noor Jaan Raig, nink nõudis hainamaa narrimisse eest, kahjutassumist kumbgi käest  - 6 rubla, mes ütte kokko 12. Rubla wälja teep.

Kutsuti ette Johan´i naine Marri Kanzler (Wöörm: temma mees: Johan Kanzler) sai kaibus ja nõudminne ette loetus, kes koggoniste ärra salgas, et temma ei olle olnu, ja ei ollewa ka mitte moisa hainamaa sissen käinu. 

Kutsuti ette Karel naine, Ewa Raud, (Wöörm: temma mees Karel Raud) sai kaibus ja nõudminne ette loetus, kes niida-

samma ärra salgas kui üllewangi Kanzler´i naine. 

Sai kohto poolt ette kutsutus Tunnistaja üllejoe noor: Jaan Raig, nink küssitus mes temma sest asjast woip üttelda, kes ütles, et nemma iks noosamma ollewa, se om: Johan´i naine Marri Kanzler, ja Karel naine Ewa Raud, egga minnagi neide näkko es näe. 

Sai weel kohto poolt rentniko poja käest küssitus, kelle woimuga temma Peter Koth, neide pääle kaibas, kes ütles rentniko, ehk minno Pappa assemel. 

Otsus.  Kohhus moistis, (et küll salgasiwa) tunnistaja wälja ütlemisse  perra, et süüdlasse omma, massawa kumbgi üts rubla kinni wõtmisse, ja üts rubla kahjotassomist, se om Marri Kanzler massap katz rubla, ja Ewa Raud massap katz rubla.  mes 8a päiwa aja seen peap ärra massetu ollema.

 Sai kohto moistminne ja §§ 772, 773, nink 774. kohton käijatelle ette loetus, ent Marri Kanzler, ja Ewa Raud es ollewa rahhu, sellega, et arwassiwa hendal liiga tettu ollewat, nink pallelsiwa Protokolli, mes kohhus es lubba anda. 

                                                                 Eenistja: Jaan Tullus.  XXX

                                                                Mannistja: Jaan Leppason  XXX

                                                                Mannistja: Samuel Raig.  XXX