Dawid Treumuth kaiwas Joseph Helstini pääle, et se Joseph ollew temma obbest kurra taggometse jalla pääle wäega pesnu, et selle obbese jalg om mäddama nakkanu nink ka selle kätte ärra koolnu.

1. Tunnistaja Willem Mändik tunnist et temma pääle selle obbese ärra kooldmist om Joseph Helsteiniga koon ollnu kos Joseph Willemi käest om küssinu: kuis Dawidi Treumuthi obbene om, selle pääle om Willem Mändik Josepile üttelnu, et Dawide obbene jo ärra koolnu om "kae nüüd saat sinna kimpu" selle pääle om Joseph üttelnu, "mes ma sis muidu piddi teggema kui ennega tapma".

2. Tunnistaja Tidrik Rautsep tunnist sedda samma mes David Mändik tunnist. 

3. Tunnistaja kohtumees Karl Treumuth tunnist, et temma selle David Treumuthi obbesse jälga om nännu, nink selle jallal ollew tunda ollnu, et se hädda ennege pesmissest woinu olla. 

Karl Treumuth ei olle sedda mitte nännu, et Josep sedda Davide obbest pesnu om. 

Otsus:

nida kui Joseph Helstin selle Davide Obbesega olli kikin orjussen ja töön käinu, sai moistetus: et Joseph Dawidele selle obbese poole hinda 14 R hõb. täämba 4 nelja näddali perrast peab masma.