Tulli ette Jaan Piir temma wöörmunder essa Kristjan Piir nink kaibas et temma länno Suwiste pühhi keskmatsel päiwal odango ehk ööse Walge mõisahe kon joba kiik ennamb jaggo Karraskij walla poisi sääl olnowa, sis tulli minno ümbre Jaan Teener Michel Punna nink Johan Kepp ja nakkasiwa minno rööwma tõmmasiwa moo saapa jallast ärra ja wõtsewa kübbara pääst ärra nink pessewa wäega armetu kombel ni et wai olles pea tahtno ärra tappa, nõudis sabaste est 4 rubla nink kübbara est 2 rubla pallel et kohhos tem(m)al sarätsen kõrral abbis olnes. -

Sai ette kutsotus Jaan Teener nink üllewanne kaibus ette loetus kes ütles et temmä küll ei olle pessno saapit ja kübarat ei ollewa ka mitte wõtnu ja ütles meid olli jo õige paljo sääl koon

Sai ette kutsotus Michel Punna kes ka püüdse ärra sallata ni kui Jaan Teener. -

Sai ette kutsotus Johann Kepp nink kohto poolt nõwwetus kuis särast tempo tohtwa tetta ja ka kõwwaste temä käest nõutus saie, kes no poisi nimelt egga üts nimme pitti sääl koon ollekin ommawa olno, et üttegi noist sääl ollewist  mahha ei tohhi jätta kui sedda teep sis tiap küll mes perrän sünnip

Perran sedda kohto kõwwa küssimist tunnistas Johann Kepp kiiki ärra kes sääl ennegi omma olnu. 

1 Jaan Teener 2 Michel Punna 3 minna essi Johann Kepp 4 Johann Huul Warbussest 5 Jaan Kebja 6 Michel Raig 7 Adam Raig 8 Tanni poig Johann Raig 9 Kusta Prüüs 10 Mihkli poig Jaan Uibo 11 Johann Maggi 12 Adam Mäggi 13 Johann Loodus 14 Michel Loodus 15 Tannil Troon 16 Michel Ilda 17 Hindrik Wõsso 18 Adam Kanzler 19 Jakob Mandli 20 Michel Mandli 21 Michel Hölst

22 Tannil Piir

Otsus  Kohhos mõistis eesmalt et Jaan Teener Michel Punna nink Johann Kepp ommawa rummalit tükke tenno masswa nemma eggamees 4 nelli rubla wallawaeste laati trahwi nink Tannil Piiril jälle ülle kolme /6/ kuus rubla sabaste nink kübara kahjotassomist se om 12 rubla walla waeste laati nink 6 rubla Tannil Piiril, nink kiik toise kes küll mitte pahhandust tenno ei olle agga siiski öösetse hulkmisse est massap egga üts pois 1 uts rubla walla waeste laati trahwi se om 19 poisi teep wälja 19 rubla hõb nink kolm süüdlaist nida kui üllewan om nimmitet masswa 12 rubla ütte kokko ülle kige waeste laadi hääs 31 kolmkümmend üts rubla mes 8 päiwa aja seen peäp masseto ollema

Sai kohto Otsus nink §§ 772-773 ja 774 kohton käiadelle kulutedos, nink lätsiwa rahhon wälja.                                                                       Päämees Jaan Tullus

                          Kohtomees Jaan Leppason  XXX

                         teine    do   Samuel Raig  XXX