Karrasky Koggokonna Kohhus sel 25.al Juli´l 1880.

Tulli ette Serreste Mõisa perris herra von Kiel nink kaibas, et ollewa Leesmitti Weski all haina roan olnowa, küüni weddamisse tarbis, nink weidi maad kaugembal ollo ka Leesmitti Mölder Peter Kowit haina roan, nink pääle prukosti länno Serreste Moisa perris herra von Kiel hainamaa pääle, nink löudno et kats rükka haino om ärra kaono olno, kos küüni mann piddano kolm rukka haino ollema, sest et Mölder Kowit hainamaa läbbi se roa weddäminne olli, sis löisin et Peter Kowit omma hainoga olli ärra seggäno, nink sis ne haina tükki teggija sedda omma tenno kui nimmelt Heindrik Raig ja Peter Raig, ja nõwwan egga roa päält kolm rubla se om ülle kige kuus rubla, Peter Kowit käest nink wargosse eest südlaisi trahwi. tunnistada wõip wannotedo Mõtsawaht Kusta Hääl ja Jaan Puudus päälegi olli ka Leesmitti weskiliste rattaste pääl hobbose ette noid kaonoid haino ette panto, kos essigi mõista om, et mölder Peter Kowit mitte henda haino weskilisse hobbese ette ei lähha andma kui et na tottest warrastedo olliwa. 

Sai ette kutsotus Leesmitti Mölder Peter Kowit nink üllewänne kaibus ette loetus kes selle pääle ütles et minna ei tija sellest middägi üttelda, sest too kõrd maggasin minna õkwa kui haina otsminne olli, sedda tiawa haina teggija, ja utles et minnol olli sääl wiis rukka haino ja koddo ka es sa rohkmb toodos

Sai ette kutsotus wannotedo Mõtsawaht Kusta Hääl nink temmä käest kohto poolt küssitus mes ta selle haina wargusse ülle wõip tunnistada kes ütles et Molder Peter Kowit haino olli mes minna näggin kui nemma roan olli ennegi kats rukka ja woin ka sedda tõtteste tunnistada et moisa jaggo haino kats rukka olli arra kaddono nink Peter Kowit olli näid omma hainoga ärra seggäno sest et Peter Kowit haina paljo jämmedamba ja ennamb kui luhha hainas wälja näidasi agga mõisa hain paljo peenemb ja obis maise hain. 

Sai ette kutsotus teine tunnistaja Jaan Puudus, nink kohto poolt küssitus kes nida samma tunnistas kui Kusta Hääl ja ütles et katte paika panto utte laddeme alla tõisen paigan weerde panto nink ka hainadest obis tunda. 

Sai kohto ette kutsotus haina teggija Heindrik Raig nink temmale Serreste herra kaibus ette loetus kes ütles, minna ei tija sellest middägi üttelda, sest mahha minna küll neid niedsin agga kui weddäminne olli sis olli minna mahha laotamisse mann ja Peter Raig ja minno sullane olliwa weddäman ja ei tija sellest middägi üttelda. 

Sai ette kutsotus Haina teggija Peter Raig nink temmale ka herra kaibus ette loetus kes ütles et temma om noo haina mes tolle pool Möldre Kowit haino olliwa kolm rukka kiik ärra weddäno, ja ei olle üttegi rukka Peter Kowit haino manno jätno, sedda wõip Peter Wiin tunnistada, et minna no roa ärra weddäsin. 

Otsus   Kohos mõistis tunnistusse perrä, et haina omma kats rukka kaono, nink ei woi ka Peter Kowit sellest prii jääda massap Peter Kowit kolm rubla moisa herra hääs nink üts rubla waeste laati trahwi ja Hendrik Raig massap üts rubla ja Peter Raig ka üts rubla walla waeste laati trahwi. 

Sai kohto mõistminne ja §§ 772, 773 - ja 774 kohton käiadelle ette loetus nink olliwa kiik rahho. 

                                                              Päämees J. Tullus  XXX

                                                               Kohtomees S. Raig  XXX

                                                        abbi     do    J. Mandli  XXX