Tulli ette perremees Adam Raig ja kaibas, et temma endine teenija tütrik Jakopi tütter Marri Rattus ollewa tedda ni habbematta wiisi teotanno kigin paigon, ja nimmelt weel Kannepi Oppetaja herral kõnnelno, et minna ollew temmaga habbematta tööd tenno, ja minno naine ollew sedda ka nänno, ja minnole selle perräst middägi ei ollewat üttelno enge sedda asja õige sallino ja hääs kitno. 

Pallen sis Kohhot sedda asja perrä nõuda ja selletada et minna mitte temmäga sedda tenno ei olle, waid muu küll omma sedda asja temma Marri Rattus´ka ajano nida kui minna nüüd saan kiik tunnistaja ja omma kõnne ülles andma mes essi ollen nänno ja tunnistaja perrä kuulata. 

Nimmelt harjokesse eddimalt kats kedda temma minnole essi nimmitanno, et teine noist ollewat laudan üts kõrd ja tarren sängin tolle wahhe aja seen kui meie kõrtsin ollime kats kõrd ütte õdango seen temma mann kaino, ja teine arjokenne ollewat ka üts kõrd laudan ja muido egga ööse kui nemma minno pool korterin olliwa harjasit koitman iks temma mann käino. 

Kui wanna Katre Seeme talwel sääl olli järgi mööda kattessa näddalit sis om temma ka ikkes nänno Marri Rattus mann käimist kui ennegi harjokesse sääl olliwa egga kõrd, selle et nemma ütten sängin maggasiwa ent üttel oosel sis om jo õige ligaste todda asja aeto, mitto kõrd öö jaos, nimmelt kats harjokest omma maggano sängi pähhitsen sääl kos wanna inneminne Katre Seeme ja Marri Rattus maggasiwa nink muu omma tõisen paigan maggano, ne kats kes sängi pähhitsen magganowa omma iks ülle pähhitse üts tõise alla, sängi temma Marri Rattus pääle käino nink noist kes tõisen paigan maggasiwa om ka üts tulno ja ülle jallotsi temma manno länno, ja tol sammal hommikul om Marri Rattus sullaselle Adam Rugal kiik essi ärra kõnnelno linna rabbamisse mann, et tämba öse es sa minna sukkugi maggada, sest harjokesse hullasiwa ni kawwa kui kel joba katstõistkümme oli ärra lööno, minne käe kelles sõrmes sõrmus om, too peddas minno kässi ülle pähhitse kinni kui tõine pääl olli, nink om ka weel manno lissano et arjokenne om ka nida samma kui Maagimees, temma otsip ni samma to kottusse ärra kui maa mees ki, ja sullane Adam Raig om ka üts kõrd nänno kui harjokenne temma man om sängin olno, öösetsel ajal ja om Marrile üttelno et Löksi olli sinno mann tämba ööse jälleki, too es olle mitte Löksi enge olli Tomas, minna aije tedda õige pea ärra ega temma kiik öö minno mann es olle.  

Nink üttel ommikul tulli harjokenne nimmega Ignas maggamast ülles, ja ütles sullase Adam Raigile, sinna käisit tämba ööse Marri mann, Kõppi külla sinna õdango lätsit, ent tullit jälle taggasi, es panne jalga sukkugi mahha, nink näütas sedda prumi kuis Adam om Marri manno länno Sullane A Raig es lauso tolle harjokesse Ignas kõnne pääle middagi nink harjokenne länno Poolakesse Samuel Raig poole ja üttelno sääl et Mättisto sullane om koer pois temma nussis täddi Marri, ja minna tahtse tedda jusit pitti ulle sängi pähhitse kinni wõtta, sedda naije minna ni selgeste. 

Üts kõrd saije minna Warbus kohtomehhe J. Kukk´ga kokko ja kõnnelas et ka Marri Rattus ollew Warbus Wallan ülle minno kõnet tõstno, et minna ollew temmaga ütte ellano, ja ütles et to om küll lits mes imme nätta, minna naggi mes temmä Rättseppiga teggi Warbus wallan Wärsi kambren, nüüd samma sitta weddamisse aigo. 

Ja weel om üts kõrd ütte harjokessega laudan olno omma asja ajaman, sis om minno poig ja utte harjokesse poig lännowa lauda manno, ja õkwa pääle sanowa, ja poisi länno ni kauges lauda taada konni harjokenne laudast walja tulno ja omma püksi põlwi sittast ärra pühkno, ja om poise pallelno, et kellegi üttelda mes nänno ommawa, ja om ütte ninna rättiko andno minno pojale selle eest et kellegi ei kõnnele. 

Minna essi olle ka kats kõrd nänno et Marri om sullase Adami sangin olno. 

Marri Rattus ütles kõrd et Löksi kaup jääp küll sija kige kastiga sedda kuulis sullane Adam, se tähhend wist een tullewa asja pääle. 

Marri Rattas om jo ammo ähwardanno kats ajastaiga taggasi kui temma ütles et Michel Pokker temmaga om ellano ja ta ka käima pääl ollewat ja pandis kowwaste wasta et mitte Pokker Leenat sedda temma praegast naist es olles wõtno. 

Ja ütles et minna ja wallawanemb olles ärra kelno Leena Mõttust wõtmast, meie istsemme kõrwi wallawannembaga pengi pääl sis tulli Marri Rattas ja aije kõhto een, meije ütlime et sinna wilsit ja temma üttel et to om õige kobbige kui tahhat. 

Ja suggise tulli Marri meile wasta minna kusse sis kos sull to lats om jääno mes sinna Michel Pokkeriga ütlit sawat ja tõise küssewa, selle perrast ahwardas temma et minna tahha sinno kaeda ja sinno awwo rikko. 

Nüüd palle neid ulles antud tunnistajat ülle kullelda et minno kõnne mitte wõls ei olle ja süüdlast säädusselikko trahwi alla tõmmata. 

                                                   Pääkohtomees Jaan Tullus

                                                    Kohtomees  Jaan Leppäson

                                                   teine      do    Samuel Raig