Sai Kohto ette kutsotus Adam Raig ülles anto tunnistaja Warbus kohtomees Jaan Kukk, kes ütles, se om arwata nelli näddalit taggasi, tulli Marri Rattus Warbus Walda Lukkatsi tallo nink tol kõrral olliwa Karrasky wallast ratseppa Johann Loodus ja Michel Hölst sääl minno poolemaa mehhe Jürri Wärs mann töön, ja Karraskist Marri Rattus olli sääl J. Wärsi kambren õdango ehk ööse üttelda, kos Rätseppa olliwa, nink sis näggin minna, et üts noist Rättseppist Marri Rattussel sälgan olli nink hoora tööd teijewa, kumb Rätsep sääl toll töön olli ei wõi minna mitte üttelda agga mõllemba olliwa küll sängin, sest walge öö olli, ja sis näggin läbbi kambre wahhe saina sedda selgeda. 

                                                        Paakohtomees Jaan Tullus

                                                       Kohtomees Jaan Leppason

                                                       teine   do   Samoel Raig