Johan Junn kaiwas Kubja Daksi pääle, et se Kubjas tedda om palki-weddamisse man sõnnuga teotanu nink ütte pomiga lubbanu tappa. 

1. Tunnistaja Isak Malleus tunnist et temma man om ollnu, kui Johan Junn, Johan Lanzoni om obbesega mahha ajanu; selle pääle ollew Kubjas Daks Johan Junnile üttelnu, "oh sinna immelik inneminne, mes hädda sinnul om, et sinna sugguki aigu ei wõtta ette kaija ja teed tõisele innemessele haiget" nink Kubjas ei olle Johan Junni sugguki sõnnuga teotanu. 

2. Tunnistaja Peter Zeijer tunnist et temma ka man om ollnu kui Johan Junn, Johan Lanzoni om obbesega mahha ajanu, ent ennege tood ei olle kuldnu et Kubjas Daks, Johan Junni sõimanu om. 

3. Tunnistaja Dawit Warblanne tunnist et temma man om ollnu, kui Kubjas Daks, Johan Junni om röwlis sõimanu ja om ka ütte pomiga tõutanu Johanit lüwwa, ja ei olle ommetegi lönu. 

4. Johan Rimm tunnist et temma man om ollnu kui Kubjas Daks Johan Junni sõimanu omja ütte poomiga om toutanu lüwwa, ja ommetegi ei olle lönu, nink ollew Johanit nõnnast kinni wõtnu ja rapputanu.

Otsus

Nida kui Johan Junn, Johan Lanzonile piddi wallu rahha 2 R. hõb. masma, om nätta et temma ennege kiusu perrast Daksi päle kaiwas sai temmale kästus rahhule jaija.