Karrasky Koggokonna Kohhos sel 21 Nowembril 1880

 Tulli ette Karrasky mõisa rentnik Peter Koth ja kaibas et Michel Kärner ollo mõisa rehhel ja jätno üts wahhe wahhele rehhitsematta, sis ütli minna et Michel Michel Kärner piddi se wahhe ka wälja rehitsemma, ent ei olle sest middägi tähhele pandno sis kässin tõist kõrda ka sest es hooli sis lätsin minna temma manno, ja ütli kassi ärra minno töö mant, narri minna ei lasse ka sis es lähha ärra sis lükkasin ei tija kuis temma sinna lademe pääle mahha sadas tolle pääle wõtse temma Rehhe rihhä ja leie mulle ni kõwwaste pahha et rihhä katski läts ja minna obis rummalas jäije noudis löömisse est 50 rubla. 

Tunnistada wõiwa Michel Järg Michel Pokker Marri Pärts Jaani naine. 

Sai ette kutsotus Michel Kärner ja üllewanne kaibus ja nõudminne ette loetus kes selle pääle ütles Rentnik Peter Koth leie minno joba enne kolm kõrd ni et mahha saddasi nink nida eddesi. 

Sai ette kutsotus ülles anto tunnistaja Michel Järg ja kohto poolt küssitus sai kes ütles Michel Kärner tahtno ilm rehhitsematta õlgi ümbre kändmisse aigo sisse kända, ent rentnik ollewa tedda keldnu ent Michel Kärner ei olle sest hollino sis om jälle keldno ja ei ka sest egga kõrd tõugano tassakeisi wimast kõrd üttelno minna ei lasse omma tood sinnol ärra rikko ehk ärra narri ja tougano mant ärra tolle pääle wõtno Michel Kärner rehhe rihha ja löönu Peter Kothil ni kõwwaste pähha et rihha katski länno löömisse kõrral. 

Kutsoti ette teine tunnistaja Michel Pokker ja temmält ka kohto poolt küssitus mes temma tiap tunnistada kes nida samma tunnist kui Michel Järg om tunnistanno. 

Sai ette kutsotus kolmas tunnistaja Marri Pärts temmä woormünder Tannil Kärner sai kohto poolt küssitus kes nida samma tunnist. 

Otsus  Kohhos mõistis tunnistusse perra et rentnik Peter Koth om enne lööno ehk tõugano, sis ei sa temma middägi rahha poolest tassomist, ent et Michel Kärner om täwweste süüdlanne ja tülli allostaja olno saap Michel Kärner 25 katskummend wiis kibbedat witsa lööki. 

Tulliwa enne kohto Otsusse kulotamist kohto ette ja anniwa ülles et ommawa ärra lepnowa ja P. Koth olli temmäle andis andno, ent Michel Kärner pannep tullewa suwwel üts postiwahhe kaara ilm hinnata moisa nurmest kokko. 

                                         Karrasky Kohtomajan sel 21 Nowembril 1880

                                                                Pääkohtomees Jaan Tullus  XXX

                                                                 Kohtomees Jaan Leppäson  XXX

                                                                 teine     do   Samoel Raig  XXX