Karrasky Kogokonna Kohhos  sel 5 Detsembril 1880.

Tulli ette lesk soldati naine Liiso Leib ja temma wöörmünder Tannil Kärner ja kaibas et temma tulnu üts kõrd Ehhamarro kõrtsi, nink sääl wõtno Jakob Sarnet üts rubla temma rahha, mes temmal Liiso Leib mahha olli sadano kõrtsi põrmando pääle, jo nakkano warsti takkan otsma nink tolle temma otsmisse ülle nakkanowa kiik tedda nardma, ja üttelnowa ei tija kohhes sinna omma rahha ollet ärra kaotanno. 

Andis tunnistajas Johann Uibo nink Jurri Loos ja kõrtsimüüja Michel Hölst. 

Kutsoti ette Jakob Sarnet ja sai temmale ullewanne kaibus ette loetus kes koggoniste ärra salgas, et temma ei ollewa wõtno ei ka nänno. 

Kutsoti ette tunnistaja Johann Uibo, nink kohto poolt küssitus mes temma tiap sest Liiso Leib rahha kaddomissest üttelda kes ütles minna ei olle leidmist ei ka kaddomist nänno ei tija middägi üttelda. 

Sai ette kutsotus tunnistaja Jürri Loos ja kohto poolt nida samma küssitus kes ütles. Rahha wõtmist minna küll es näe, enge perrän rahha kaddomist ostse Jakob Sarnet 1/2 toopi wiina nink wahhetas üts rublalinne pabberrahha selle woeto wiina ärra massmisses. 

Sai ette kutsotus kõrtsimehhe assemel wiina ja muu kauba müüja Michel Hölst ja kohto poolt küssitus mes temma sest asjast tiap üttelda kes ütles et Jakob Arnet om küll ostno 1/2 toopi wiina ja 1 naggel worsti ja wahhetanno üts rublalinne pabber selle woeto kauba eest nink massno ka weel wanna wõlga 20 kop ärra, ent kas ta olli temma omma, wai Liiso Leib rahha sedda minna mitte ei tija. 

Otsus  Kohhos mõistis et Liiso Leib ei wõi mitte ommast ilma jääda et küll kiik ärra sallasiwa, siski olli kohtol nätta et se mitte õige tee pääl ei olle kui et wanna lesk ommast waesussest peäp ilma jääma sis masswa kiik kolm kui nimmelt Johann Uibo 33 1/3 kop Jakob Sarnet 33 1/3 kop ja Michel Hölst ka 33 1/3 kop se teep sis utte kokko üts rubla mes 8 päiwa aja seen peäp teüdet ollema. 

                                                    Karraskij Kohtomajan sel 5 Detsembril 1880

                                                                             Pääkohtomees Jaan Tullus  XXX

                                                                                   Kohtomees Jaan leppäson  XXX

                                                                                   teine     do  Samoel Raig  XXX