Tulli ette Krotussest Hendrik Jahhu nink kaibas et temma ostnu Michel Sõõrd käest 4 wanna hoonet ja nüüd ollewa säält 70 tükki põrmando puid mant ärra häwitannu, nõudis tolle est 3 rubla, et ostmisse summast wõis mahha wõtta. 

Sai ette kutsotus Michel Sõõrd poig Johann Sõõrd selle et Michel Sõõrd enne pühhi olli ärra koolnu ja temmäle essa assemel se kaibus nink nõudminne ette loetus, kes ütles, se om wõls et säält middägi om ärra wiido sest küün olli ilma põrmandoga kui joba ostse, sest minno haina olliwa sääl küüni sissen ja olli monni rodli tük ja haggo pormando assemelle sinna alla panto nüüd tahhap perrän essa surma weel kaupa tõisite tetta mes mitte es olle jo ostmisse aigo. 

Otsus   Kohhos mõistis et selget tunnistust kummaltki poolt es olle ülles anda wõip Hendrik Jahhu /1/ üts rubla sest ostmisse summast mant ärra wõtta, kos se leppito hind 15 rubla ne hoone olliwa müüdo, nüüd agga 14 rubla saap wälja massetus, nink weel puudow H. Jahhu peäp ärra massma. 

Sai Kohto Otsus nink § 772 773 ja 774 kohton kaiadelle ette loetus nink olliwa sellega rahho. 

                                                                       Päämees Jaan Tullus  XXX

                                                                     Kohtomees Jaan Leppason  XXX

                                                                     teine    do    Samoel Raig  XXX