Tulli ette Fritz Nutt nink kaibas, et Wija Hendrik tallo perrisommanik Jaan Praggi (Praggi wallast) andnu temmale Fritz Nuttil sel 6 augustil 1878 aastal omma siin ollewat Wija Hendriko tallo kuwwe üts tõise joskwa ajastaigide pääle rendile, nink sain ka eenkontrakt tol sammal päiwal, kos pääle kauba kinnituses 5 wiis rubla sisse massin, ja lubbas katte nädali perräst mulle teüs Kontrakt kätte anda, kos sis olles saanu wiiskummend rubla sisse massetus nink se puudow kiik leppito terminis et sis Kontrakt sääduslikkult kohto poolt olles saanu kinnitedos, enne minno Wija Hendriko tallo sisse tullemist, lätsin kutsomisse ehk lubbato ajal Kontrakti otsma es sa mitte, ja jälle lätsin kos ka es sa eggal kõrral olli essi sugguna wigga, ja nida wiisi jõudis 1 märz kätte kos een kontrakti perrä piddin wiiskümmend rendi rahhas sisse massma, nink massin ka, se rahha ärra, ent perris kontrakti ikkes weel es sa, perran rendi sisse massmist ilda enne Jürri päiwa pakkuti mulle kontrakti, mes obis tõisete olli tetto kui minno een kontrakt olli, kedda minna wasta wõtta es woi selle et sis olles minna henda Jaan Praggil kige henda warrandussega ärra müünu, sest et sääl mittogi punkti olli, me een kontraktiga ütte es sündiwa, nink lubbas sis ütte tõist parrembat tetta ent konnagi es sa, rent olli ärra masseto üts sadda rubla Jürripäiw jõudis kätte, minno endinne kottus olli tõisel ärra woeto, nink es sa ka ennamb kohhegi muiale kottust, rahha olli ka Jaan Praggi käen, kos sis piddin ilma kontraktita Wija Hendrik tallo sisse tullema, kui joba Karraskin ollin käwwe suwwel 1879 mitto korda temmä Jaan Praggi mann Praggi wallan Kontrakti otsman ikkes pakkuti tood samma, ja ütles minnole kui sinna sedda minnost tettud kontrakti wasta ei wõtta sis lähhat Jürripäiwal 1880 wälja, nink sis kutse minno jälle katte näddali perräst kontrakti perrä minna lätsin hälle kutsmisse pääle kui sinnä sain sis lätsime Perri walda wallawannemb Jaan Neümann poole et se minnole olles kontrakti tenno, kui Jaan Neumann poole saime pakkuti mulle jälle sedda wanna tolle ähwardussega, et leppime wai wiiskümmend rubla pääle et kewaja lähhat wälja Wija Hendrik tallost kui wai ka ülle kohhos om sedda kuulis Juhhani naine Ann Küllaots. 

Nink nida läts aig ärra konni 2 Webruarini 1880, nink lätsi sis weel wimast kõrd sel 2 Webruaril kontrakti perrä, kos Jaan Praggi mulle ütles minne wai tämba minna sulle särast kontrakti ei anna, ni kui sinno een kontrakt om, et nüüd middägi tetta es olle kui et piddin hendalle jälle üts toine kottus otsma sis nõwwan minna Jaan Praggi käest et temma minno omma wanna kottusse päält wälja liigut omma kahjo mes ollen saanu nida kui allan nätta om. -

1.malt  kattekõrralisse kraami weddaminne ja asseme otsminne      -      100 rubla

2.selt Luu jahhude est 10 punta                                -                   -       -        10 rubla

3.dalt 5 koormat õlgi olle maija sisse toonu  -           -              -                   15  -

4.dalt 2 rattaste koormat hainu sisse toodo   -                           -                 10   -

5dalt  2.     do        do        linna luid    do                               -                          6  -

6.dalt 2      do        do        linna luid     do                               -                         3 -

7dalt  2 1/3 wakka rüki rohkemp mahha kulweto a 3 rubla wak                   14. -

8.       3 punda 15 nakla ristikhaina semend mahha kulweto a 12 kop.          9  -

9.       Rehhe ahhi umbre tetto lubbamisse perrä    -                      -             3  -

10.  2 kartohwli kooba tegemisse est mes wastsest tetto          -                  2  -

11    8 wakkamaad maad rohkemb künneto a 1 rubla wakkamaa  -                8  -

12   Talli saina allone kinni panto ja läwwe tulba wastsest tetto  -                1  -

13.  Kaiwo salwe korgembas tetto   -                          -                                            50 kop

14.  Rehheallotse pormando parrandaminne                             -                    1  -

15.  Kambre tsikaturiminne      -                              -                                                 50  -

16.  Kattuste parrandaminne                    -                                      -                 2    -

17. Kiwwi nurme päält kokko ehk unnikuhhe panto   -                                    2   -

18. Maa üttestõistkümnes nurmes säeto     -                      -                            5  -

19. Eentullewa suwwe /1879 es olle nida tetto kui ütteldi  kahjo                 10  -

20, Rükki weidemb saanu /1879/ kui lubbatu olli, kahjo                    -        20. -

21,  Hainu olle weel manno ostnu nink massnu       -                                        2  -

22, 1879 aastal kahjo saanu röa tsongmisse ja söötmisse läbbi mes wanna

       rentnik Jaan Mark olli ärra ärra söötnu ja Jaan Praggi lubbas todda 

       kiik mulle wälja massa mes Jaan Mark kaest saap kohto läbbi,

       ent leppis J. Marka ärra ja min(n)a es sa midägi  -                    -           20. -

                                                                                                                      --------------------------

                                                     Sis om minno nõudmisse sum(m)a          244 rubla   -

Kedda minna palle kohto läbbi kätte tallitada laske. 

Piddi ette kutsotus saama Jaan Praggi, kos temma assemel üts temmale säeto wöörmünder August Hallap  kohto ette tulli ja sai August Hallapil se üllewanne kaibus ja nõudminne etteloetus, kes kiki punkte pääle wastusses andis. 

Kui  nimmelt. 

1 punkti pääle andis wastusses, et rendile wõtja Fritz Nutt om essi ülles andnu sel 7 Webruaril 1880, et omma rendi kottust ennamb ei tahha eddesi pitta, ilma et rendi andja Jaan Praggi tedda olllnes ajanu selle perräst ei olle temmäl üttegi kahjo tassomisse nõudmist. 

punkt. 2, 3, 4, 5 ja 6 pääle and wastosses, et mes Fritz Nutt om maija sisse toonu ehk ostnu, kellest rendi andja middägi ei tija, nink ei olle temmale üttegi kahjo tassomisse massmist, ja sedda om temmä ka essi ärra prukinu

    do - 7- ja 8 pääle ütles rendile wõtja Fritz Nutt piddi een kontrakti perrä kiik maa 11 nurmis ärra jaggama, nink kui ka selle              nurme jaotamisse perrä temmal wast weidikenne rohkemb rükki ehk ristikhainu semend tulli wälja külwa, kedda                    temma een kontrakti perrä piddi teggema ilma kahjotassomisse nõudmatta

    do - 9 om lubato massa kolm rubla. 

    do- 10 om tem(m)a essi omma tarwitusse pääle tennu ilma et olles kästo. 

    do- 11 Todda piddi een kontrakti perra teütma. 

   do - 12, 13, 14. 15 ja 16  pääle ütles et rendile wõtja FritzNutt piddi een kontrakti perrä kiik parrandamma, ilma kahjo                       tassomisse nõudmatta

   do-  17 ütles et neid kiwwe om rentnik Fritz Nutt omma põllo harrimisse est ärra korjanu ilma käskmätta

   do-  18 pääle ütles, et sedda piddi temmä een kontrakti perrä ärra teggema ilma kahjo tassomisse nõudmatta

  do -  19 paale ütles temma piddi tollega rahho ollema, ni paljo kui temmäle künnetud maad kätte sai

  do-   20 pääle ütles Fritz Nutt ollo ka sellega rahho ni paljo kui rükki kätte sai

  do-   21  pääle ütles et temma om noid hainu omma tarbi pääle ostnu

  do   22 pääle ütles, et kui Fritz Nutt majan elli sis es nõwwa temma üttegi röa zongmisse kahjotassomist. 

Sai Kohto poolt Fritz Nutt weel ette kutsotus nink ne Jaan Praggi wöörmündrest August Hallap wastotamisse ette loetus kes ütles kui minnole olles ni särandanne kontrakt tetto nida kui minno een leppingut tunnistap, ja minna kuus ajastaiga olles majan saanu ärra ellada sis es olles middagi wõinu nõuda, minna teggin kiik henda perräst, ent tõine saie minno suure waiwa päält kaswo ommale ja ei mitte minna, rükki külwasin rohkemb kos egga mees tiapki parrembast weel Karraski Koggokonna Kohhos ent tõine mees põimse, minna ei nõwwa üttegi kaswo rahha kui ennegi omma saadut kahjo mes Jaan Praggi minnole omma petusse läbbi om saatnu.

Ni samma omma kiik minno nõudmisse õigusse põhja pääl . 

Otsus  Kohhos mõistis, et rendi andja Jaan Praggi kige wiisi pääl essi süüdlanne om olnu, selleperräst et ni mitto kõrda om Fritz Nutt kontrakti otsnu kui ta weel sääl Jaan Praggi liggidal ellas ja kui Karraskist mitto kõrda om perrän kainü, ja ka üts kõrd Karraski kohtomehhe Jaan Leppäson läbbi Jaan Praggi jälle Fritz Nutti om kontrakti perra kutsnu mes kohtomees Jaan Leppäson siin tunnistas, nink konnagi ei olle andnu, enge tahtse ärra ellada mes mitte korralik assi ei olle ei olle ka kohto een paknu kui mõistse oma maija rendi pääle anda sis piddi ka mõistma rentnikulle kontrakti andma, kos keäki ilma kontraktita ei woi ellada, selle (et temma wäega wanna hoone kiik egga päiw kokko saddamissel ommawa), sis ei olle Fritz Nutt selle mann mitte süüdlanne enge Jaan Praggi ütsindi ja peäp sis ka rentnik F. Nutt saadut kahjo wälja massma kui ninmmelt Otsusse punkt ni kui Protokoll No 37 sest 30 Maist 1880 tunnistap

1 punkti pääle kattekõrralisse kraami weddamisse ja asseme otsmisse eest tullep Jaan Praggil 

  Fritz Nuttil wälja massa                                            -                                 100 rubla

2 punkt luujahho eest pool kahjo                                -                                  5  -

3. punkt õlgi est pool selle et sõnnik maija jäije         -                                 7  -    50 kop

     (ilma et F Nutt säält uttegi saaki olles saanu)

4. punkt 2 koormat hainu nida samma pooles nõudmissest                       5  -

5. punkt 2     do     agganit    do    do        do           do                                    3  -

6. punkt 2     do   linnaluid    do    do       do           do                          -         1  -    50.

7. punkt  Rükki rohkemp kulweto et liig nõudminne ei olle tullep massa      14  -

8. punkt  Ristikhaina wälja külwamisse eest kiik wälja massa       -              9   -

9. punkt  Rehhe ahjo teggeminne lubbato hind   -              massa   -           3  -

10. punkt Kartohwli kobat teggemisse mõistis kohhos tühjas -

11. punkt  8 wakkamaad maad kün(n)eto mõistis kohhos massa       -           8  -

12, punkt 13, 14, 15 ja 16 mõistis kohhos tühjas et midägi ei sa

17, punkt  Kiwwi korjamisse est mõistis kohhos walja massa    -                   2  -

18, punkt Nurme säädminne  do    do         do      do       do            -               5  -

19, punkt Suwwe tööst mes 1879 es olle tetto ni kui lubbato moistis 

                      kohhos wälja massa noudmisse perrä        -                                10  -

20, punkt  Rükki weidemb saanu kui lubbato tullep massa                       -    20   -

21,  punkt  Hainu ostnu  moistis kohhos pool kahjo massa           -                    1  -

22, punkt  Rükki söötmisse ja tsongmisse eest mes wanna rentnik 

                   Jaan Mark om tetta lasknu mõistis kohhos et õige olli massa      20  -

                                                                                                                ------------------------

                                                                                                         Summa           214  Rubla 

mes Jaan Praggi Fritz Nuttil peäp walja massma nink saie Kohto moistminne ja §§ 772-773 ja 774 kohton kaiadelle ette loetus ent Jaan Praggi wöörmunder August Hallap ja Fritz Nutt es ollewa rahhol ja pallelsiwa mollemba Protokolli mes kohhos ka lubbas anda. 

                                             Karrasky Kohtomajan sel 23 Januaril 1881

                                                                              Päämees Jaan Tullus  XXX

                                                                                Kohtomees  Jaan Leppason  XXX

                                                                                 teine   do    Samuel Raig  XXX