7tal märtz 1886.

                              Päkohtomees M. Karru

                             Kohtumees Jaan Aleksanderson

                                      -  "  -   Ado Järw

Wastse Pranglin Marri ja tema kõrwal seisja Johan Andrewitz tulli ette, ja kaebap, et Weskimõisa wallast Jakob Kulberg om minuga ütte elanu 30ne oktobrist 1884. kuni 8sani webruarini 1875. ööse oli meie ütte elamine, sest ajast jäi ma wigatses, ja om 17nel oktobril 1875 a poig laits sanud, ja ma nõwwa nüüd selle lapsele 200. rbl, toidu raha. Ma ei oles kül nüüd enamb midagi nõudnu, aga et mu laits terwisest puduline om (ei sa kust kinni hoita) ja ma essi ka põdenema ole jänu, sis ma ei wõi tõist wiisi läbi sanud, saada, pean häda läbi nõudma, Minu tunistajat om Widrik Adamson Krüdnerist, Jaan Numa Orrikust , An Peterson Widrikest kandimehe naine. Jaak Wään Krüidnerist, - terwise ole ma 2, a. tagasi mu tookwi (?) kuulmisen ärä nähnu, mitte lastest sanud, ei ole mul see wiga

Jakob Kulberg tulli ette, ja üttel et Marri Reha om minu peale üsna walle asja kabanu mina ei ole temaga mitte ütte elänu, waid tema om kül tõeste ühe Neruti poisi Johan Reinuga minu Kulla maja õle küinin 1875 a januari kuul, selle man oli selgist nägija Jürri Kulberg. Kelle wastuste läbi tõttes tettu. tema tunistus lV T. Kihelkonna Kohtu sissen om, palun seda kohtul sija paluda, siis näete et se tõssi om, ni sama om mul ka Widrik Pann, sest teadja et se tütruk, tõiste poisega maganud om, pea perast seda last sai täl tõine laits, see teep tõttes, et ta seda tööd teep kellaga ta kokku saap. Jaan Numa om minu täitse wiha mees, ni kui kohus essi teap, om meil tõine tõise wastu suur tülli asja wahel ka kohtu een olnu, ja ka pea igan kokku samise kohal, om meil pea tihti pahanduse juttu een ja minu auu külgi puttup J. Numa, egal ajal, minu teendrile om ta minu teotanud, ja minust halba kõnelnu, ni samate om Jaak Wään kolbmata sellen tunnistusen, sellega ütlep Marri Reha see tõise latse olewat sanud, Widrik Adamsoniga om ta ka seda sõprust pidanu.

l  Widrik Pann üttel,et (om ka sugulane) tema om sel 1874.a sügise nännu (Kulla talul tüdrukude man käinu, tõise poisi Jaan Kruwiga) et see Jaan Kruwi magasi Mari Reha man (ja mina magasi Leena Rekkeritsi man) ja muidu käis J. Kruw ka aru tihti Kullal, kos tõisel kõrral ta selle M. Reha ehk mõne toise man magasi, kos M. Reha elli, ei tea mina.

ll Widrik Adamson üttel et tema olewat kül Kullal käinu, Marri Reha omale tütrikus kaublema, ja siis om ta 3. klasi ka Marri Reha kirstun nännu, aga mitte neid oma käega putnu, neid üttel ta Jakob Kulberg tälle pruukmise rohus olew tonud, ja päle Jürripäiwa suwel näi ma, üts kõrd Tame mõisa risthaina rõugu man kõnelewat, ja tõine kõrd mõisa lauda tagan. nende kokku elamist ei tea ma muud, kui et ta talwe Kullal mule üttel, et ta terwe ei oliwat, et ta Jakob Kulbergiga om kokku elanu.

lll Jaan Numa üttel, et Jakub Kulberg, om tälle üts kõrd üttelnu, et se laits mes üle M. Reha minuga kohtutap om kül minu laits, see kõne oli Parmu talu zea soo hainamaa kala peal.

Jakob Kulberg üttel et see Jaan Numa üttelus wale ja wiha jut om Mina ei ole mitte seda Jaan Numale üttelnu, et se laits minu laits om. ni sama ei tea mina ka üttegi rohu tomisest Rehale mitte midagi, ei ka ealgi ütte elanu. Kõik om mulle kohus om mõistnu, et Jakob Kulberg peap Marri Rehale, lapse toidu raha 100. rbl masma, nende tärminidel, edimine 50. rbl 21 märtzil, 86, tõine 50. 21 märtzil 1887. aastal.

Marri Reha ei ole rahul, et raha weidi om.

Jakob Kulberg wõttap 8 päiwa mõtlemise aega, 8 päiwa perast om Jakob Kulberg teada andnu, et ta sellega rahul ei ole palus protol wälja, edesikaebuse termin sai nendele ka nimetut.

                               Pää-kohtomees. M. Karu XXX

                                 Kohtum J. Aleksandersohn XXX

                                  Kohtum Ado Järw  XXX