Ette tulliwa Jaan Luik ja Michel Seeba ja tahawa oma lepingut mes nema 17 Julil 1874 oma tennu sisse kirjotada laske, kus niida om kirjotetu ja kinnitetu:

Michel Seeba ja Jaan  Luik tegiwa selletust selle Oürigest tallo peräst mes nüüd Jaan Luik käen om pidada, mes Michel Seeba esä perändus oli.

Michel Seeba lubab sedä tallo maad poole oma sõsare mehe Jaan Luigal, selle et Luik om neid kaswatanu ja maja ehitanu, ja poole wõttab temä esi kuna temä tahab Luiga käest - oma nooremba welle Petrile lubab ka Michel oma kadonu esäst jäänu waranduse kõige, oma jaggo ka, ent tolle maast ei sugugi.

Jaan Luik lubab selle lubatu poole tallo ma eest kõik oma maja ehituse ja kullutamise ja omast tallo kraamist kõigest poole, mes om:

1 hobene kõige riistuga hinna perra -      55 rubla

Wilja:

nink Jaan Luik tahab ka, niikawwa ütten elada kui Michel esi tahab eräle minnä. Luik lubab ka kui nemä ütten elawä ega aasta 4/3 wakka maad linna maha külwä, kelle eest, kui Michel eräle lääb oma pulma kullu kannab.

Sedä lubamist nink leppingut kinnitawa nema sedä wisi, et kui kumbgi neist sedä poolt tallo tahab tõistele ära anda, sis om perrimise õigus tõise poole pidajal - nink et ka neide perrijil selle leppingo ülle  kahitsemist ei peä tullema.

Alla kirjotawa Michel Seeba XXX Jaan Luik XXX

Alla oma kirjotanuwa wallawanemb Peter Paidra

kohtuwanemb Andres Nikopensius, kohtomees Peter Nemwalz

Wöörmünder Peter Ussin,                       do: Joh Nikopensius

Een olewa lepingo pääle ütlewa Jaan Luik nink Michel Seeba, et see leping on mõlembild poold kindmaste peetu ja täüdetu, Jaan Luik and ette et temä om Michel Seebale ära andnu, kõik me temä om lubanu.

Päkohtomees

Kohtomees

Kirjotaja