Sel 11. juli 1886.

                     Man oliwa Päkoh

                                     Jaak Sootla tunistaja

Tunistaja. Jaan Warb, Wastse Pigastest, üttel, et Peter Waheri suust ähwaruse sõnnu Jaak Sootla wastu ei ole ma mitte kuulnu, ma oli kül sel kõrral Pussu kõrtsin, kui see ähwaruse jut olew olnu, Mina kuuli seda muide kõrtsin olewa rahwa käest, nimmelt üttel, kas kõrtsimees Jaan Eller wai pois Lutwig Kallis, kas kuulit mes pois kõnel, sel kõrral oli Peter Waher een ja selle päle käis se üttelus, naad kõneliwa, et Peter Waher olewat ähwardanu laske keda laske ei tea ma ka mitte, millal Samuel Warjun liinast tulli, ja kas ta Peter Waherit ja tema seltsimehi nägi wai ei Keisu krundin. Seda ta mulle kül üits kõrd kõnnel, et poisi olew tälle wastu tulnu liina tee peal, ja hobese mõtsa hirmudanu, kes oliwa ja kos kohal ei tea ma mitte. -

2. Tunistaja  Samuel Warjun üttel ühel 1885.a. pühapäiwa homungul warra enne Jaani, kui päiw juba tõsnu olli, tuli Peter Waher ja tõisi ka temaga ütten, arwata 4-5 ja Kaarli Tislar künni, tuliwa mulle wastu, kõiki ma es panne tähele, wenelase tarrest tulen mõtsa mukka man mulle wastu, Peter Waher and mulle ühe zigari, ja selle päle läitsiwa nema edesi Keisu pole, ja mina tulli Parmu pole edesi, wimati tuliwa naad ka mulle perrä, kost naa ümbre kääniwa es näe mina, mina naksi sõitma, rohgemb ma sest ei tija, muust asjust mes Waheri ja Sootla wahel om olnu ei tea ma midagi. -

3.  Tunistaja Olla Parapolkin üttel et mina näi kül poise ühel pühapäiwa homungul 1885. a enne päiwa tõusu läits üts sum poise wist 4. tükki Keisu poole suurt teed möda, tagasi tulekit ma es näe, ja es tunne ka neid üttegi. -